Ortalyq sarapshysy Rýslan Levievtiń paiymdaýynsha Kievtiń basqynshylardyń betin qaitaratyn potentsialy bar, buǵan qajetti resýrs ta jetkilikti.
AQSh pen Batys elderinen úzdiksiz kelip jatqan áskeri kómek sarbazdardyń rýhyn kóterip, kóńilderine úmit otyn sepken.
"Ázir ýkrain áskeri Baiden qol qoiǵan Lend-lizdiń erteletip elge jetýin kútip otyr. Áskeri tehnika, qajetti qarý-jaraq bastapqy kezdegidei tapshy emes, ústi-ústine kelip jatyr.
Aldaǵy bir jarym-eki aida maidandaǵy ahýal kúrt ózgerip, tarazy tasy Ýkrainaǵa qarai aýady.
Onsyz da qyp-qyzyl shyǵynǵa batyp, myńdaǵan adamynan aiyrylǵan okkýpanttar bir-eki aidan keiin óz shekarasyna qarai jylystai bastady", – deidi sarapshy.
Onyń aitýynsha ýkrain jaýyngerleriniń kásibi deńgeii men daiarlyǵy basqynshylarǵa qaraǵanda kósh ilgeri.
Qarymta shabýylǵa shyǵýǵa áskeriler de, halyq ta tas-túiin daiyn otyr. Kiev halyqtyń talabyna qulaq asýy tiis.
Ýkrain áskerileri Donbasstaǵy orys okkýpanttaryn qajetti kerek-jabdyqpen qamtamasyz etip otyrǵan baǵyttardyń jolyn kesse, Pýtin armiiasy ashtan óledi.
"Qazir Ýkrainanyń shyǵysynda basqynshylardyń shamamen 80 myńǵa tarta jaýyngeri bar.
Kópshiliginiń kóńil-kúii joq, soǵysýdan bas tartyp jatqan sarbazdardyń sany keibir áskeri bólimderde 30-40 paiyzǵa deiin jetedi.
Reseidiń áskeri tehnikasy da kónergen, kópshiligi isten shyǵyp jatyr. Orys áskeri qarapaiym bailanys quraldarynyń ózin Aliekspressten aldyrýǵa májbúr", – deidi sarapshy.
