بۇگىن ۇكىمەت وتىرىسىندا پرەمەر-مينيستر ولجاس بەكتەنوۆ ۇكىمەت وتاندىق وندىرۋشىلەردى قولداپ، ەكونوميكالىق پاتريوتيزم قاعيداتىن قاتاڭ ۇستاناتىن العا تارتتى، – دەپ حابارلايدى Dalanews.kz.
– ۇكىمەت ەكونوميكالىق پاتريوتيزم قاعيداتىن قاتاڭ ۇستاناتىن بولادى. ءبىز قاشاندا وتاندىق ءوندىرۋشىنى قولدايمىز. بۇل – ءاربىر اكىمنىڭ، ءاربىر سالالىق ءمينيستردىڭ مىندەتى. ول تەك ءسوز جۇزىندە عانا ەمەس، ناقتى ءىس جۇزىندە ورىندالۋعا ءتيىس.
يمپورتتى الماستىرۋ جۇمىستارىن، ونىڭ ىشىندە وفتەيك-كەلىسىمشارتتار ارقىلى جانداندىرا ءتۇسۋ قاجەت. بۇل وتاندىق كومپانيالارعا وزدەرىن الداعى بىرنەشە جىلدار بويىنا تاپسىرىستارمەن قامتاماسىز ەتۋگە، جاڭا وندىرىستەردى كەڭەيتۋگە جانە يگەرۋگە مۇمكىندىك بەرەدى، – دەپ اتاپ ءوتتى ولجاس بەكتەنوۆ.
ەكونوميكاسى قارقىندى دامىعان كوپتەگەن ەلدەر ىشكى نارىقتى قولداۋ جانە قورعاۋ ساياساتىن بەلسەندى جۇرگىزەتىنىن اتاپ وتكەن ءجون. حالىقارالىق ۆاليۋتا قورى مۇنداي قورعاۋ شارالارىنىڭ جارتىسىناجۋىعى جۇڭگو، ەۋروپالىق وداق جانە اقش ەكونوميكالارىنا تيەسىلى.
