ق ر پرەمەر-مينيستر ءاليحان سمايىلوۆ «ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» ۇكىمەت قاۋلىسىنا قول قويدى، – دەپ حابارلايدى Dalanews.kz.

قۇجاتتا جازىلعانداي، ەندى مىنا مامانداردىڭ جالاقىسى وسەدى:

- جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنان باسقا ءبىلىم بەرۋ ۇيىمدارىنىڭ پەداگوگتەرى:

- مادەنيەت جانە ونەر سالاسىنداعى ەرەكشە مارتەبەسى بار جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ پروفەسسور-وقىتۋشىلار قۇرامىن جانە باسشى قىزمەتكەرلەرى؛

- ستاسيونارلىق جانە جارتىلاي ستاسيونارلىق ۇلگىدەگى مەديسينالىق-الەۋمەتتىك مەكەمەلەردىڭ، ۇيدە قىزمەت كورسەتۋ، ۋاقىتشا بولۋ ۇيىمدارىنىڭ، جۇمىسپەن قامتۋ ورتالىقتارىنىڭ باسقارۋشى، نەگىزگى پەرسونالىنىڭ جۇمىسكەرلەرى؛

- مەديسينا جانە فارماسيەۆتيكا قىزمەتكەرلەرىن قوسپاعاندا، ازاماتتىق قىزمەتشىلەردىڭ، مەملەكەتتىك بيۋدجەت قاراجاتى ەسەبىنەن ۇستالاتىن ۇيىم قىزمەتكەرلەرىنىڭ، قازىنالىق كاسىپورىن جۇمىسكەرلەرى.

قاۋلىعا ساي، اتالعان ساناتتاعى قىزمەتكەرلەردىڭ لاۋازىمدىق ايلىقتارى ەندى كەلەسى كوەففيسيەنتتەردى قولدانا وتىرىپ ەسەپتەلەدى:

- 2022 جىلعى 1 قاڭتاردان باستاپ 1،23 مولشەرىندە؛

- 2023 جىلعى 1 قاڭتاردان باستاپ 1،45 مولشەرىندە؛

- 2024 جىلعى 1 قاڭتاردان باستاپ 1،71 مولشەرىندە؛

- 2025 جىلعى 1 قاڭتاردان باستاپ 2،0 مولشەرىندە.

ال، قورعانىس مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارى پەداگوگتەرىنىڭ جالاقىسى مىنا كوەففيسيەنتتەردى قولدانا وتىرىپ كوتەرىلەدى:

- 2023 جىلعى 1 قاڭتاردان باستاپ 2،32 مولشەرىندە؛

- 2024 جىلعى 1 قاڭتاردان باستاپ 2،74 مولشەرىندە؛

- 2025 جىلعى 1 قاڭتاردان باستاپ 3،2 مولشەرىندە.

قاۋلى 1 تامىزدان باستاپ كۇشىنە ەنەدى جانە ول بيىل 1 قاڭتاردان باستاپ تۋىنداعان قۇقىقتىق قاتىناستارعا قولدانىلادى.