QR Premer-Mınıstr Álıhan Smaıylov «Azamattyq qyzmetshilerge, memlekettik búdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Úkimet qaýlysyna qol qoıdy, – dep habarlaıdy Dalanews.kz.

Qujatta jazylǵandaı, endi myna mamandardyń jalaqysy ósedi:

- joǵary jáne joǵary oqý ornynan keıingi bilim berý uıymdarynan basqa bilim berý uıymdarynyń pedagogteri:

- mádenıet jáne óner salasyndaǵy erekshe mártebesi bar joǵary jáne joǵary oqý ornynan keıingi bilim berý uıymdarynyń profesor-oqytýshylar quramyn jáne basshy qyzmetkerleri;

- stasıonarlyq jáne jartylaı stasıonarlyq úlgidegi medısınalyq-áleýmettik mekemelerdiń, úıde qyzmet kórsetý, ýaqytsha bolý uıymdarynyń, jumyspen qamtý ortalyqtarynyń basqarýshy, negizgi personalynyń jumyskerleri;

- medısına jáne farmasevtıka qyzmetkerlerin qospaǵanda, azamattyq qyzmetshilerdiń, memlekettik búdjet qarajaty esebinen ustalatyn uıym qyzmetkerleriniń, qazynalyq kásiporyn jumyskerleri.

Qaýlyǵa saı, atalǵan sanattaǵy qyzmetkerlerdiń laýazymdyq aılyqtary endi kelesi koefısıentterdi qoldana otyryp esepteledi:

- 2022 jylǵy 1 qańtardan bastap 1,23 mólsherinde;

- 2023 jylǵy 1 qańtardan bastap 1,45 mólsherinde;

- 2024 jylǵy 1 qańtardan bastap 1,71 mólsherinde;

- 2025 jylǵy 1 qańtardan bastap 2,0 mólsherinde.

Al, Qorǵanys mınıstrliginiń joǵary jáne joǵary oqý ornynan keıingi bilim berý uıymdary pedagogteriniń jalaqysy myna koefısıentterdi qoldana otyryp kóteriledi:

- 2023 jylǵy 1 qańtardan bastap 2,32 mólsherinde;

- 2024 jylǵy 1 qańtardan bastap 2,74 mólsherinde;

- 2025 jylǵy 1 qańtardan bastap 3,2 mólsherinde.

Qaýly 1 tamyzdan bastap kúshine enedi jáne ol bıyl 1 qańtardan bastap týyndaǵan quqyqtyq qatynastarǵa qoldanylady.