ۇكىمەت ەل اۋماعىنداعى 20-دان استام اۋەجايدى ەۋرووداق ەلدەرىنىڭ الەۋەتتى ينۆەستورلارىنا بەرمەكشى. مۇنى ق ر كولىك ءمينيسترى مارات قارابايەۆ ءمالىم ەتتى، – دەپ حابارلايدى Dalanews.kz.
جالپى، بۇل ماسەلە "ەۋرووداق – ورتالىق ازيا" ەلدەرىندە ءسوز بولعانىن بىلەمىز. ءبىراق بۇل باعىتتاعى جۇمىستاردى بىردەن ىسكە اسىپ كەتەدى دەپ ەشكىم ويلماعانى انىق.
ۇكىمەتتىڭ بۇل ارەكەتىن قاراپايىم كوپشىلىك قۇپتاماسى انىق. ويتكەنى بىزدەگى حالىقتىڭ كوپشىلىگى ينۆەستور دەسە كىرپىدەي جيىرىلاتىنىن بىلەمىز.
حالىقتىڭ ينۆەستورلار جايىندا مۇنداي كوزقاراسىنا قالىپتاسۋىنا نازاربايەۆ رەجيمىنىڭ قوسقان «ۇلەسى» زور. ءبىزدىڭ حالىققا ينۆەستور دەسەڭىز كوز الدىنا لاكشمي ميتتال ەلەستەيتىنى بەلگىلى.
ءبىراق قازىرگى بيلىكتىڭ شەتەلدىك ينۆەستورعا بەرۋدەن باسقا امالى جوق. ويتكەنى ەلىمىزدە اۋەجايلارعا قىزمەت كورسەتەتىن كومپانيالار جوق.
ءبىزدىڭ كومپانيالار (شىندىعىندا وليگارحتار دەگەنىمىز دۇرىس شىعار) ينفراقۇرىلىمدىق نىسانداردى الىپ العاننان كەيىن ونى دامىتىپ، باسىن اۋىرتپايدى.
ولار تابىستان تۇسكەن اقشادان نىسانداردى دامىتۋعا ءبىر تيىن دا جۇمساماي، توز-توزىن شىعارادى. ودان قالسا مەملەكەتكە الاقان جايىپ، قازىنانىڭ اقشاسىنا كوز سۇزۋمەن بولادى.
بۇعان وليگارح الەكساندر كلەبانوۆ سەكىلدى وليگارحتاردىڭ ىس-ارەكەتى ايقىن مىسال بولادى.
كەزىندە الەكساندر كەلەبانوۆ پاۆلودار وبلىسىنداعى جىلىتۋ قازاندىقتارىن باۋىرىنا باسىپ الىپ، نىساندى اۆاريالىق جاعدايعا جەتكىزگەنىن جۇرتتىڭ ءبارى بىلەدى.
كەيدە ولار توز-توزى شىققان نىسانداردى مەملەكەتكە قىراۋار اقشاعا ساتىپ، ءىزىم-عايىم قاراسىن باتىرادى. سوندىقتان ءوزىمىزدىڭ وليگارح-ينۆەستورلارعا حالىق سەنبەيدى.
دەسەك تە ەلىمىزدەگى ماڭىزدى ينفراقۇرىلىمدىق نىسانداردى ەۋروپالىق ينۆەستورلارعا بەرۋدەن باسقا امال جوق.
بۇگىندە الماتىنىڭ اۋەجايىن مەنشىگىنە العان تۇركيالىق ينۆەستور اۋە ايلاعىنا اقشا قۇيىپ كەڭەيتىپ جاتقانىن بىلەمىز. سول سياقتى استانانىڭ اۋەجايى دا شەتەلدىك ينۆەستورلاردىڭ قاراۋىنا ءوتىپ، جان-جاقتى جۇمىس ىستەۋدە.
ەڭ باستىسى شەتەلدىك ينۆەستورلاردىڭ رەسەيدەن بولماۋىنا باسا ءمان بەرۋىمىز كەرەك. ويتكەنى رەسەيلىك ينۆەستورلاردىڭ ءبىزدىڭ كلەبانوۆتاردان ەش ايىرماسى جوق. ولار جۇرگەن جەردە جەمقورلىق شىرماۋىقتاي شىرماپ الادى.
ايتپاقشا، كولىك ءمينيسترى قارابايەۆ اقتاۋ جانە قۇرىق پورتى دا ەۋرووداق ەلدەرىنىڭ كومپانيالارىنا بەرىلەتىنىن العا تارتتى.
