جامبىل وبلىسىنىڭ كٶكپارشىلارى ەكٸ جىل بۇرىن ۋەدە ەتٸلگەن اقشالاي سىياقىنى ەلٸ كٷنگە دەيٸن الا الماي جٷر. بۇل تۋرالى سپورت جۋرناليسٸ اسلان قاجەنوۆ ەلەۋمەتتٸك جەلٸدەگٸ پاراقشاسىندا جازدى, دەپ حابارلايدى dalanews.kz.
ونىڭ ايتۋىنشا, استانادا ٶتكەن V دٷنيەجٷزٸلٸك كٶشپەندٸلەر ويىندارىنان كەيٸن جامبىل وبلىسىنىڭ ەكٸمٸ ەل نامىسىن قورعاعان كٶكپارشىلارعا ميلليونداعان تەڭگەنٸڭ سەرتيفيكاتتارىن تابىستاعان. الايدا سپورتشىلارعا كٶرسەتٸلگەن قاراجات ەلٸ تٶلەنبەگەن.
"بۇل فوتو وسىدان ەكٸ جىل بۇرىن تٷسٸرٸلدٸ. استانادا ٶتكەن كٶشپەندٸلەر ويىندارىنان كەيٸن جامبىل وبلىسىنىڭ ەكٸمٸ ەل نامىسىن قورعاعان كٶكپارشىلارعا ميلليون تەڭگەلٸك سەرتيفيكات ۇستاعان. ەرقايسىسىنا. جٸگٸتتەر سىياقىنى ەلٸ كٷنگە دەيٸن المادى. قازٸر ەندٸ دەل وسى سپورتشىلاردى جەردەن الىپ, جەرگە سالىپ جاتىرمىز. بٸلەسٸزدەر مە? ولار 190–240 مىڭ تەڭگە عانا ايلىق الادى. سونىمەن وتباسىلارىن اسىرايدى. ال مۇنداي بايراقتى بەسەكەلەردە تازا نامىس ٷشٸن شابادى. قىسقاسى, ۋەدە قاشان ورىندالادى, ەكٸم مىرزا?!" – دەپ جازدى اسلان قاجەنوۆ.
سپورت جۋرناليسٸ كٶكپارشىلاردىڭ اي سايىن الاتىن جالاقىسى 190–240 مىڭ تەڭگە شاماسىندا ەكەنٸن اتاپ ٶتتٸ. ونىڭ سٶزٸنشە, سپورتشىلار ٸرٸ جارىستاردا قارجىلاي تابىستان بۇرىن ەل نامىسى ٷشٸن ٶنەر كٶرسەتەدٸ.
ەزٸرگە جامبىل وبلىسىنىڭ ەكٸمدٸگٸ سپورت جۋرناليسٸنٸڭ جازباسىنا قاتىستى رەسمي تٷسٸنٸكتەمە بەرمەدٸ.
