Alatau City Authority, AST Holdings Co., Ltd. جەنە ILJOO GnS Co., Ltd. Smart City جەنە Digital Twin سالاسىنداعى ىنتىماقتاستىق تۋرالى ٷشجاقتى مەموراندۋمعا قول قويدى. كەلەسٸ پراكتيكالىق كەزەڭ – Alatau City-دە تسيفرلىق ەگٸز جەنە زاتتار ينتەرنەتٸ (IoT) تەحنولوگييالارىن قولدانۋ جٶنٸندەگٸ پيلوتتىق جوبانى پىسىقتاۋ, دەپ حابارلايدى dalanews.kz.
«Alatau City Authority» ارناۋلى باسقارۋ ۇيىمى, وڭتٷستٸككورەيالىق تەحنولوگييالىق كومپانييالار AST Holdings Co., Ltd. جەنە ILJOO GnS Co., Ltd. Smart City جەنە تسيفرلىق تەحنولوگييالار سالاسىنداعى ىنتىماقتاستىق تۋرالى ٷشجاقتى مەموراندۋمعا قول قويدى.
قۇجات Alatau City اۋماعىندا تسيفرلىق ەگٸز (Digital Twin) جەنە زاتتار ينتەرنەتٸ (IoT) تەحنولوگييالارىن قولدانۋ بويىنشا بٸرلەسكەن پيلوتتىق جوبانى (Proof of Concept, PoC) ٸسكە قوسۋدى كٶزدەيدٸ.
قول قويۋ رەسٸمٸ پۋساندا Global Smart City Expo حالىقارالىق كٶرمەسٸ اياسىندا ٶتتٸ جەنە جاڭا قالانى قۇرۋعا ەلەمنٸڭ جەتەكشٸ قۇزىرەتتەرٸن تارتۋ جولىنداعى پراكتيكالىق قادام بولدى.
Alatau City قازاقستاننىڭ ۋربانيزاتسييا مەن ٸسكەرلٸك بەلسەندٸلٸكتٸڭ جاڭا اۋقىمدى ورتالىعى رەتٸندە دامىپ كەلەدٸ. جوبانىڭ نەگٸزگٸ ارتىقشىلىعى – فيزيكالىق قۇرىلىس سالۋمەن قاتار, جاساندى ينتەللەكت قۇرالدارىن, دەرەكتەردٸ جيناۋدى جەنە زاتتار ينتەرنەتٸن (IoT) قالالىق كەڭٸستٸككە نٶلدەن كٸرٸكتٸرە وتىرىپ, بٸرىڭعاي تسيفرلىق ينفراقۇرىلىمدى باسىنان قالاۋ مٷمكٸندٸگٸ.
مەموراندۋم اياسىندا تاراپتار بٸردەن قىمباتقا تٷسەتٸن تولىققاندى ەندٸرۋلەرگە كٶشپەي, تەحنولوگييالاردى پراكتيكالىق سىناقتان ٶتكٸزەدٸ. پيلوتتىق جوبا قالالىق دەرەكتەردٸ جيناۋ مەن سينحرونداۋدى, ينجەنەرلٸك جٷيەلەردٸڭ مونيتورينگٸن تەكسەرۋگە مٷمكٸندٸك بەرەدٸ. بولاشاقتا تسيفرلىق مودەل قالا قۇرىلىسىندا, كٶلٸك لوگيستيكاسىندا, كوممۋنالدىق جەلٸلەر مونيتورينگٸندە جەنە ەكولوگييالىق قاۋٸپسٸزدٸك سالاسىندا باسقارۋشىلىق شەشٸمدەر قابىلداۋدىڭ قولدانبالى قۇرالىنا اينالادى.
«بٸزدٸڭ مٸندەتٸمٸز – قالا سالىنىپ بٸتكەنشە كٷتٸپ, سودان كەيٸن عانا ونىڭ كٷردەلٸ تسيفرلىق ترانسفورماتسيياسىن باستاۋ ەمەس. Alatau City-دٸڭ قاجەتتٸ IT-ارحيتەكتۋرانى دەل ٸرگەتاستان قالىپتاستىرۋعا بٸرەگەي مٷمكٸندٸگٸ بار. بٸز تسيفرلىق ەگٸزدٸ جاي پرەزەنتاتسييالىق 3D-مودەل ەمەس, ناقتى دەرەكتەر نەگٸزٸندە قالانىڭ دامۋىن باسقارۋعا ارنالعان جۇمىس ٸستەيتٸن اناليتيكالىق جٷيە رەتٸندە قاراستىرامىز. سوندىقتان بٸز ەر شەشٸمنٸڭ تيٸمدٸلٸگٸن ونى اۋقىمداۋدان بۇرىن پراكتيكادا باعالاۋ ٷشٸن تانىلعان كورەيالىق ساراپشىلارمەن پيلوتتان باستايمىز», – دەپ اتاپ ٶتتٸ Alatau City Authority-دٸڭ باس اتقارۋشى ديرەكتورى (CEO) ەلٸشەر ەبدٸقادىروۆ.
Alatau City Authority ەرٸپتەستەرٸنٸڭ راستالعان حالىقارالىق تەجٸريبەسٸ بار:
AST Holdings Co., Ltd. – Smart City, GIS, BIM جەنە Digital Twin تەحنولوگييالارىنا ماماندانعان وڭتٷستٸككورەيالىق كومپانييا: وڭتٷستٸك كورەيادا, ساۋد ارابيياسىندا جەنە باسقا ەلدەردە اۋقىمدى جوبالاردى ٸسكە اسىرۋ تەجٸريبەسٸ بار.
ILJOO GnS Co., Ltd. – ٶنەركەسٸپتٸك تسيفرلاندىرۋ, جاساندى ينتەللەكت جەنە ماڭىزدى ينفراقۇرىلىمنىڭ قاۋٸپسٸزدٸگٸ سالاسىنداعى شەشٸمدەردٸ ەزٸرلەۋشٸ كومپانييا.
كورەيالىق ەرٸپتەستەرمەن ىنتىماقتاستىق بٸرلەسٸپ تەستٸلەۋ جەنە تەحنولوگييالاردىڭ ٶزارا ترانسفەرٸ قاعيداتىنا نەگٸزدەلگەن. قول قويىلعاننان كەيٸن ساراپشى توپتار پيلوتتىق ايماقتىڭ پارامەترلەرٸن كەلٸسۋگە كٸرٸسەدٸ. PoC قورىتىندىسى بويىنشا Alatau City تسيفرلىق ەگٸزٸ ەكوجٷيەسٸنٸڭ فۋنكتسيونالىن كەڭەيتۋ مەسەلەسٸ قارالاتىن بولادى.
