وبلىستىق جەنە اۋداندىق ماڭىزى بار 392 كم جولداردى جەنە ەلدٸ مەكەندەردٸڭ كٶشەلەرٸن جٶندەۋگە 20,4 ملرد تەڭگە قاراستىرىلعان, ونىڭ ٸشٸندە: ۇزىندىقتاعى ٶسكەمەن-الماتى اۆتوموبيل جولى باعىتىنداعى جٸبەك جولى كٶشەسٸنٸڭ 5,3 شاقىرىمىنا جٶندەۋ جۇمىستارى جٷرگٸزٸلۋدە.
وبلىستىڭ اۆتوموبيل جولدارىنىڭ جالپى جەلٸسٸ 5265 شاقىرىمدى قۇرايدى, ونىڭ ٸشٸندە رەسپۋبليكالىق ماڭىزى بار جولدار 1238 شاقىرىمدى, وبلىستىق جولدار 1587 شاقىرىمدى, اۋداندىق جولدار 2440 شاقىرىمدى قۇرايدى. وبلىستىق ماڭىزى بار جولداردىڭ 186 شاقىرىمىن, اۋداندىق ماڭىزى بار جولداردىڭ 72 شاقىرىمىن, ەلدٸمەكەن كٶشەلەرٸنٸڭ 134 شاقىرىمىنا جٶندەۋ جۇمىستارى جٷرٸپ جاتىر.
-«وبلىستىق جەنە اۋداندىق ماڭىزى بار 242 شاقىرىم جولدارعا 7,7 ملرد تەڭگەگە ورتاشا جٶندەۋ جۇمىستارى جٷرگٸزٸلۋدە. نەگٸزگٸ جٶندەۋ جۇمىستارى ٶسكەمەن-تارعىن-سامار (38 كم), كٷرشٸم-قالجىر (30 كم), سٸبٸر كٶلدەرٸ (25 كم), جاڭا بۇقتىرما كەنتٸنە كٸرەبەرٸس (2 كم), اقجار (18), زايسان-شٸلٸكتٸ (27,5 كم), اقجار-شٸلٸكتٸ (15 كم) اۋىلدارىنا كٸرەبەرٸس باعىتتارى بويىنشا ورىندالادى, سونداي-اق, ٸرٸ ەلدٸ مەكەندەردەگٸ باسقا دا كٸرمە جولدار جاسالادى», - دەدٸ جولاۋشىلار كٶلٸگٸ جەنە اۆتوموبيل جولدارى باسقارماسى باسشىسىنىڭ ورىنباسارى نۇربەك تۇراروۆ.
سونداي-اق بيىلعى جىلى "ومبى - مايقاپشاعاي" ا/ج اسفالتبەتون جابىنى بويىنشا كٶلٸك جٷرگٸزٸلٸپ, 2024 جىلى تاس جولدا قايتا جاڭارتۋ جۇمىستارىنىڭ اياقتالۋى جوسپارلانۋدا. بۇل تراسسانى حالىقارالىق دەپ اتاۋعا تولىق نەگٸز بار. ٶيتكەنٸ ول ٷش ەلدٸڭ: قازاقستان, رەسەي فەدەراتسيياسى مەن قحر-نىڭ ەكونوميكالىق جەنە تۋريستٸك دامۋىنا سەرپٸن بەرۋدە. شىعىس قازاقستان وبلىسى ارقىلى 231 شاقىرىمى ٶتەدٸ. 162,4 كم-دە جول-قۇرىلىس جۇمىستارى اياقتالعان. "قازاۆتوجول "ۇك" اق اتاپ ٶتكەندەي, بۇل جولدا جولاۋشىلار ٷشٸن بارلىق جاعدايلار جاسالادى.مەسەلەن بەس دەمالىس ايماعى (ەر 50 شاقىرىم سايىن) ورناتىلادى, ولار جىلى دەرەتحانالارمەن, شاعىن ارحيتەكتۋرالىق نىساندارمەن (بەسەدكالار, ورىندىقتار, ۋرنالار, ەستاكادالار جەنە ت.ب.) جەنە تۋريستەر مەن جٷك كٶلٸكتەرٸنە ارنالعان باسقا دا كەرەك-جاراقتارمەن جابدىقتالادى. قۇرىلىسشىلار بارلىق جۇمىستار مەرزٸمٸندە اياقتالاتىنىنا سەندٸردٸ. قازٸر نىساندا 300-دەن استام جول تەحنيكاسى مەن قاجەتتٸ ادام سانى ەڭبەك ەتۋدە. پايدالانۋعا بەرٸلگەننەن كەيٸن رۇقسات ەتٸلگەن قوزعالىس جىلدامدىعى 110 كم/ساع قۇرايدى, ال بولاشاقتا جٷك كٶلٸكتەرٸ ٷشٸن اقى الۋدى ەنگٸزۋ جوسپارلانۋدا.
ماماندار اتاپ ٶتكەندەي, "ومبى - مايقاپشاعاي" تاس جولىنداعى جۇمىستاردىڭ ساپاسىن بٸردەن 5 ۇيىم باقىلاۋدا ۇستاۋدا (تاپسىرىس بەرۋشٸ, ۇلتتىق ساپا ورتالىعى, باس مەردٸگەر, تەحنيكالىق جەنە اۆتورلىق قاداعالاۋ). جول ەكونوميكالىق ەرٸپتەس ەلدەردٸ بايلانىستىراتىن جەنە شىعىس قازاقستانعا كەلەتٸن تۋريستەر سانىن ەدەۋٸر ارتتىرۋعا مٷمكٸندٸك بەرەتٸن ترانزيتتٸك دەلٸزگە اينالادى.
ايتا كەتەيٸك, شىعىس قازاقستان وبلىسىنىڭ اۆتوموبيل جولدارىنىڭ جالپى جەلٸسٸ 5265 شاقىرىمدى قۇرايدى. ونىڭ ٸشٸندە رەسپۋبليكالىق ماڭىزى بار 1238 شاقىرىم. شىعىس قازاقستاننىڭ جەرگٸلٸكتٸ تۇرعىندارى مەن قوناقتارىنىڭ جولداردىڭ ساپاسىنا قاتىستى سىني پٸكٸرلەرٸدە ەرينە ورىندى. ال بۇل ايماقتىڭ يميدجٸنە تەرٸس ەسەر ەتەرٸ سٶزسٸز. كەلەر 2024 جىلدى وبلىس ەكٸمٸنٸڭ تٸكەلەي باستاماسىمەن شقو-دا جولدار جىلى دەپ جارييالانىپ, جولداردى جٶندەۋ بويىنشا اۋقىمدى ٸس-شارالار جوسپارلانۋدا. ول ٷشٸن قارجىلاندىرۋدى ەكٸ ەسەگە ۇلعايتۋ كٶزدەلٸنٸپ وتىر. ٶز كەزەگٸندە ٶڭٸر باسشىسى بەيٸندٸ باسقارمالاردىڭ باسشىلارىمەن جەنە باسقا دا جاۋاپتى تۇلعالارعا, بٸرٸنشٸ كەزەكتە نەگٸزگٸ ترانزيتتٸك مارشرۋتتارعا, ونىڭ ٸشٸندە شەكارا ماڭىنداعى اۋداندار مەن تۋريزمدٸ دامىتۋ ايماقتارىنىڭ جولدارىنا نازار اۋدارۋ قاجەت ەكەنٸن باسا ايتتى. ەڭ باستىسى جولدىڭ ساپاسىنا اسا مەن بەرٸلمەك. بۇعان جاۋاپتى باسقارمالار, قالالار مەن اۋدانداردىڭ ەكٸمدەرٸ دە نازار اۋدارۋى تيٸس. شىرايلى شىعىس قازاقستان وبلىسىندا عاسىر قۇرىلىسىنا بالانعان 2021 جىلى ەل پرەزيدەنتٸ قاسىم-جومارت توقاەۆتىڭ تٸكەلەي تاپسىرماسى بويىنشا كٷرشٸم اۋدانىندا بۇقتىرما سۋ قويماسى ارقىلى ٶتەتٸن كٶپٸر قۇرىلىسى قارقىندى جٷرۋدە. كٶپٸردٸڭ ۇزىندىعى 1316 , ەنٸ 12,2 مەتر, 2 جولاقتى بولماق. كٶپٸر كٷرشٸم اۋدانى قۇيعان اۋىلىنىڭ جانىندا سالىنۋدا. بٷگٸندە نىسان قۇرىلىسىنا قولدانىپ جاتقان ماتەريالدار, ەلٸمٸزدەگٸ جول ساپاسىنا جاۋاپ بەرەتٸن بٸرەگەي مەكەمە جول اكتيۆتەرٸنٸڭ ۇلتتىق ساپا ورتالىعىنىڭ ماماندارىنىڭ تٸكەلەي باقىلاۋىندا. ەلٸمٸزدەگٸ ەڭ ۇزىن كٶپٸردٸڭ قۇرىلىسى ويداعىداي اياقتالسا, پاروممەن قاتىناپ جٷرگەن تەك كٷرشٸمدٸكتەردٸڭ عانا ەمەس, بٷكٸل ٶڭٸر جۇرتشىلىعىنىڭ ەلەۋمەتتٸك-ەكونوميكالىق جاعدايىنا, تىنىس-تٸرشٸلٸگٸنە وڭ ەسەر ەتەتٸنٸ سٶزسٸز. لوگيستيكالىق قارىم-قاتىناس جولعا قويىلىپ, تۋريزمنٸڭ دامۋىنا دا تىڭ سەرپٸن بەرمەك. كٷرشٸمدەگٸ كٶپٸر قۇرىلىسى 2024-شٸ جىلدىڭ قازان-قاراشا ايلارىندا اياقتاۋلى جوسپارلانىپ وتىر.
يە, ەلٸمٸزدە, ٶڭٸردە جولداردىڭ قۇرىلىسى قارقىندى جٷرۋدە. الايدا قازٸرگٸ تاڭدا وسى سالادا مامان تاپشى. ەسٸرەسە بٸلٸكتٸ كادرلارعا سۇرانىس جوعارى. بٷگٸندە جول سالاسىندا ەڭبەك ەتٸپ, اسفالت تٶسەپ, كٶپٸر سالىپ جٷرگەندەردٸڭ ورتاشا جاسى شامامەن 45پەن 50 دٸڭ ارالىعىندا. اتالعان مەسەلەگە تەرەڭ ٷڭٸلگەن ۇلتتىق جول اكتيۆتەرٸ ساپاسى ورتالىعى "2 مىڭ مەكتەپ" جوباسىن ٸسكە قوستى. ماقسات اتالعان سالاعا قاجەتتٸ كادرلاردى مەكتەپ جاسىنان قىزىقتىرىپ, وسى ماماندىققا قۇشتار قىلۋ.
-«ٷشٸنشٸ جىل قاتارىنان بٸز وقۋ ورىندارىن ارالاپ جٷرمٸز. ەلٸمٸزدە وقۋشىلارمەن 5 مىڭنان استام كەزدەسۋ ٶتكٸزٸلدٸ, ولارعا بۇل ماماندىعىنىڭ قانشالىقتى تارتىمدى ەكەنٸن تٷسٸندٸرەمٸز. جالاقىسى دا جاقسى. جۇمىستا كٶپ», - دەيدٸ ۇلتتىق جول اكتيۆتەرٸ ساپاسى ورتالىعىنىڭ شقو فيليالىنىڭ ديرەكتورى ەرجان ۋسمانوۆ مىرزا.
يە ساپالى جول سالۋ ٷشٸن بٸلٸكتٸ ماماندار قاجەت. جول مۇراتۋ جەتۋ. بٸراق قانداي جولمەن, سول ماڭىزدى بٷگٸندە.
قۋانىش راحمەتوللاۇلى
