قازاقستان Global Quality Infrastructure Index (GQII) 2025 جاھاندىق ساپا ينفراقۇرىلىمى يندەكسٸندە 185 ەلدٸڭ اراسىندا 48-ورىنعا يە بولدى. اككرەديتتەۋ باعىتى بويىنشا ەل 32-ورىنعا ورنالاستى, دەپ حابارلايدى dalanews.kz.
GQII رەيتينگٸندە مەملەكەتتەردٸڭ ۇلتتىق ساپا ينفراقۇرىلىمى ٷش نەگٸزگٸ باعىت بويىنشا باعالانادى. ولار – اككرەديتتەۋ, مەترولوگييا جەنە ستاندارتتاۋ.
قازاقستان ەڭ جوعارى كٶرسەتكٸشتٸ اككرەديتتەۋ سالاسىندا كٶرسەتتٸ – 32-ورىن. مەترولوگييا باعىتى بويىنشا 43-ورىندا بولسا, ستاندارتتاۋ سالاسىندا 70-ورىنعا جايعاستى.
اككرەديتتەۋ ساپا ينفراقۇرىلىمىنىڭ نەگٸزگٸ ەلەمەنتتەرٸنٸڭ بٸرٸ سانالادى. ول سىناق جەنە كاليبرلەۋ زەرتحانالارى, سەرتيفيكاتتاۋ جەنە ينسپەكتسييالىق ورگاندار سيياقتى سەيكەستٸكتٸ باعالاۋ ورگاندارىنىڭ قۇزىرەتٸن رەسمي تٷردە تانۋعا مٷمكٸندٸك بەرەدٸ.
تيٸمدٸ اككرەديتتەۋ جٷيەسٸ سىناق, ٶلشەۋ جەنە سەرتيفيكاتتاۋ نەتيجەلەرٸنە دەگەن سەنٸمدٸ ارتتىرىپ, ولاردىڭ حالىقارالىق دەڭگەيدە مويىندالۋىنا جاعداي جاسايدى.
Global Quality Infrastructure Index ەلەم ەلدەرٸنٸڭ ساپا جٷيەلەرٸنٸڭ دامۋ دەڭگەيٸن سالىستىرۋعا مٷمكٸندٸك بەرەدٸ. يندەكستٸ قالىپتاستىرۋ كەزٸندە اككرەديتتەۋ, ستاندارتتاۋ جەنە مەترولوگييا سالالارىنداعى دەرەكتەر تالدانادى.
GQII مەلٸمەتٸنشە, رەيتينگ ساپا ينفراقۇرىلىمىنا جاۋاپتى رەسمي ينستيتۋتتاردىڭ اشىق دەرەكتەرٸ نەگٸزٸندە جاسالادى. وعان مەترولوگييا, ستاندارتتاۋ جەنە اككرەديتتەۋ سالالارىنداعى حالىقارالىق ۇيىمدار مەن ۇلتتىق ورگانداردىڭ مەلٸمەتتەرٸ كٸرەدٸ.
زەرتتەۋ نەتيجەلەرٸ ەلدەردٸڭ ۇلتتىق ساپا ينفراقۇرىلىمىنىڭ جاعدايىن باعالاۋعا جەنە ونىڭ حالىقارالىق دەڭگەيدەگٸ دامۋىن سالىستىرۋعا مٷمكٸندٸك بەرەدٸ. دامىعان ساپا ينفراقۇرىلىمى ٶنٸمدەر مەن قىزمەتتەرگە دەگەن سەنٸمدٸ ارتتىرۋعا, حالىقارالىق ساۋدانى دامىتۋعا جەنە ەكونوميكانىڭ بەسەكەگە قابٸلەتتٸلٸگٸن كٷشەيتۋگە ىقپال ەتەدٸ.
Global Quality Infrastructure Index – Mesopartner ۇيىمىنىڭ ەلەم ەلدەرٸندەگٸ ساپا ينفراقۇرىلىمىنىڭ دامۋى تۋرالى اشىق دەرەكتەردٸ جيناۋعا, تالداۋعا جەنە تاراتۋعا باعىتتالعان حالىقارالىق باستاماسى. جوبا گەرمانييانىڭ ۇلتتىق مەترولوگييا ينستيتۋتى PTB جەنە ەكونوميكالىق ىنتىماقتاستىق جەنە دامۋ جٶنٸندەگٸ فەدەرالدىق مينيسترلٸكتٸڭ (BMZ) ۇزاق مەرزٸمدٸ قارجىلىق ەرٸ مازمۇندىق قولداۋىمەن جٷزەگە اسىرىلادى.
جوباعا ۇلتتىق ساپا ينفراقۇرىلىمى ورگاندارى مەن حالىقارالىق ساراپشىلار دا قاتىسادى. 2023 جىلدان باستاپ GQII يۋنيدو جەنە INetQI سەرٸكتەستەرٸمەن تىعىز ىنتىماقتاستىق ورناتقان.
