كاسىپكەر تيمۋر تۋرلوۆ گرۋزيانىڭ بانك نارىعىنا بەت بۇرىپ، وسى ەلدە فريدوم بانك قازاقستاننىڭ "ەنشىلەسىن" ورنالاستىرماق نيەتتە، دەپ حابارلايدى Dalanews.kz.
"ول ءۇشىن گرۋزيا استاناسى تبيليسيدە بانكتىك ليسەنزيا الىپ، گرۋزيانىڭ ۇلتتىق بانكىنە قۇجاتتار تاپسىرۋى ءتيىس "فبگ كومپانياسى" اق-تى (FBG Company) تىركەمەك. ەگەر بانكتىك ليسەنزيا الىنسا، بۇل كومپانيا كەيىن كوممەرسيالىق بانككە اينالادى. ءسويتىپ ول "فريدوم بانك گرۋزيا" اق (Freedom Bank Georgia) دەپ اتالاۋى كەرەك بولادى"، دەپ جازادى Forbes.kz.
"فبگ كومپانياسى" اق-نىڭ جارعىلىق كاپيتالىنىڭ مولشەرى 5 ملن لاريدى (اعىمداعى باعام بويىنشا شامامەن وكولو 1،8 ملن دوللار) قۇرايدى. ول ءارقايسىسىنىڭ نومينالدى قۇنى 1 لاري بولاتىن 5 ميلليون قاراپايىم اتاۋلى اكسيالاردان قۇرالادى.
فريدوم بانك گرۋزيانىڭ بولاشاق بانكتىڭ ۇيىمدىق قۇرىلىمىن قامتيتىن جارعى جوباسى مەن بيزنەس-جوسپاردى ماقۇلدانىپ دا ۇلگەرگەن. سونداي-اق، فريدوم بانك قازاقستان "فبگ كومپانياسى" اق جانە كەيىننەن "فريدوم بانك گرۋزيا" بولاتىن اق-تىڭ باسقارۋ ورگانىنىڭ باسشى قىزمەتكەرلەرى مەن مۇشەلەرىن سايلاۋ (تاعايىنداۋ) ءۇشىن ۇسىنىلاتىن كانديداتتاردى دا ماقۇلداپ قويدى.
فريدوم بانك قازاقستاننىڭ "ەنشىلەسىن" قۇرۋ تۋرالى شەشىمدى قازاقستان ەدب-نىڭ جالعىز اكسيونەرى-Freedom Holding Corp قۇرىلىمىنا كىرەتىن فريدوم قارجى 2025 جىلدىڭ 19 قىركۇيەگىندە قابىلدادى. Freedom-نىڭ بۇگىندەرى شەتەلدە بانكى بار، ياعني تاجىكستاندا. ول دا قازاقستاندىق بانكتىڭ "ەنشىلەسى" بولىپ تابىلادى. بانك ليسەنزياسىن 2024 جىلدىڭ قازان ايىندا قارجى ينستيتۋتى تەحنيكالىق رەجيمدە جۇمىس ىستەپ تۇرعان كەزدە الدى.
فريدوم بانك قازاقستان اكتيۆتەرى بويىنشا ەلىمىزدەگى بانكتەر اراسىندا ونىنشى ورىندا تۇر: ونىڭ كورسەتكىشى 2025 جىلعى 1 تامىزداعى جاعداي بويىنشا 2،2 ترلن تەڭگەنى قۇرايدى.
تيمۋر تۇرلوۆ - Freedom Holding Corp نەگىزىن قالاۋشى جانە 70%-نىڭ يەسى. Forbes Kazakhstan رەيتينگىسىندە قازاقستاننىڭ ەڭ بەدەلدى بيزنەسمەندەرى اراسىندا № 2 (2025) بولىپ تۇر. 2025 جىلدىڭ مامىرىندا ونىڭ بايلىعى 5،8 ميلليارد دوللارعا باعالانعان.
