تۇركيا سۋ تاسقىنىنا بايلانىستى قازاقستانعا كومەكتەسۋگە دايىن ەكەنىن مالىمدەدى، - دەپ حابارلايدى Dalanews.kz.
بۇل تۋرالى تۇركيا سىرتقى ىستەر مينيسترلىگىنىڭ مالىمدەمەسىندە ايتىلعان.
"قازاقستاننىڭ ءارتۇرلى وڭىرىندەگى اپاتتى سۋ تاسقىنىنا قاتتى قايعىرامىز، بۇل جاعداي ون مىڭداعان قازاقستاندىق باۋىرىمىزدى ەۆاكۋاسيالاۋعا ءماجبۇر ەتتى. قازاقستان حالقىنا جانە ۇكىمەتىنە كوڭىل ايتامىز"، - دەپ جازىلعان ۆەدومستۆو حابارلاماسىندا.
تۇركيا ءسىم ەلىمىزگە كەز كەلگەن قاجەت كومەكتى كورسەتۋگە دايىن ەكەنىن ايتتى.
ايتا كەتەيىك، 6 وڭىردە 4 مىڭعا جۋىق جەكەمەنشىك ءۇي سۋ استىندا قالدى. جەرلىكتى جەرلەردەگى 155 اۆتوجول ۋچاسكەسىن سۋ شايعان. تاعى 88 ۋچاسكە باقىلاۋعا الىندى، ونىڭ تورتەۋى - كوپىر. ال 58 ەلدى مەكەن كولىك قاتىناسىنان اجىراپ وتىر. ولارعا ازىق-تۇلىك پەن دارى-دارمەك جەتكىزىلىپ جاتىر.
پرەمەر-مينيستردىڭ ورىنباسارى قانات بوزىمبايەۆ سۋ تاسقىنىنا قاتىستى ەلدەگى احۋال كۇردەلى ەكەنىن مالىمدەدى. ايماقتارداعى قۇتقارۋ شارالارىنا 17 مىڭننان اسا ادام تارتىلعان. 1900-دەن اسا ارنايى تەحنيكا مەن 500 دانا سۋ سورۋ، ءجۇزۋ قۇرالدارى بار.
