Túrkıa sý tasqynyna baılanysty Qazaqstanǵa kómektesýge daıyn ekenin málimdedi, - dep habarlaıdy Dalanews.kz.
Bul týraly Túrkıa Syrtqy ister mınıstrliginiń málimdemesinde aıtylǵan.
"Qazaqstannyń ártúrli óńirindegi apatty sý tasqynyna qatty qaıǵyramyz, bul jaǵdaı on myńdaǵan qazaqstandyq baýyrymyzdy evakýasıalaýǵa májbúr etti. Qazaqstan halqyna jáne Úkimetine kóńil aıtamyz", - dep jazylǵan vedomstvo habarlamasynda.
Túrkıa SİM elimizge kez kelgen qajet kómekti kórsetýge daıyn ekenin aıtty.
Aıta keteıik, 6 óńirde 4 myńǵa jýyq jekemenshik úı sý astynda qaldy. Jerlikti jerlerdegi 155 avtojol ýchaskesin sý shaıǵan. Taǵy 88 ýchaske baqylaýǵa alyndy, onyń tórteýi - kópir. Al 58 eldi meken kólik qatynasynan ajyrap otyr. Olarǵa azyq-túlik pen dári-dármek jetkizilip jatyr.
Premer-mınıstrdiń orynbasary Qanat Bozymbaev sý tasqynyna qatysty eldegi ahýal kúrdeli ekenin málimdedi. Aımaqtardaǵy qutqarý sharalaryna 17 myńnnan asa adam tartylǵan. 1900-den asa arnaıy tehnıka men 500 dana sý sorý, júzý quraldary bar.
