ىسكە اسىرىلاتىن جوبالاردىڭ ىشىندە: سپورت پەن بالالار ويىن الاڭدارىن ورناتۋ، اۋماقتاردى كوگالداندىرۋ، قوعامدىق ورىنداردى جوندەۋ جانە جارىقتاندىرۋ، تۇرمىستىق قاتتى قالدىقتاردى جيناۋعا ارنالعان تەرەڭ كونتەينەرلىك الاڭداردى ورناتۋ. بۇل وزگەرىستەر بۇكىل تۇركسىب اۋدانىنىڭ اۋماعىنا وڭ اسەر ەتەتىن بولادى.
باقىتجان اقجاروۆتىڭ ايتۋىنشا، «بيۋدجەتكە قاتىسۋدىڭ» 28 جوباسى جۇمىس ۇستىندە، ال توعىز جوبا بويىنشا كونكۋرستار وتكىزىلۋدە.
– ءبىز اۋدانداعى اۋلالاردى اباتتاندىرۋدى جالعاستىرامىز. 2016 جىلدان 2020 جىلعا دەيىن بارلىعى 496 اۋلا جوندەلدى. قازىرگى ۋاقىتتا «جاس قانات» شاعىن اۋدانىنداعى 30 اۋلانى اباتتاندىرۋ بويىنشا جۇمىس جوسپارلانىپ وتىر، – دەدى اۋدان اكىمى.
باقىتجان اقجاروۆ اۋداندا «التاي-1» شاعىن اۋدانىنداعى جاياۋ جۇرگىنشىلەر ايماعى اباتتاندىرىلاتىنىن ايتتى. مۇندا قالا تۇرعىندارى بوس ۋاقىتتارىن وتكىزە الادى، سپورتتىق ويىندار وينايدى، بۇكىل اۋماق اباتتاندىرىلىپ، جارىقتاندىرىلادى. اكىم قازىرگى ۋاقىتتا سەيفۋللين الاڭىندا اعىمداعى جوندەۋ جۇمىستارى جۇرگىزىلىپ جاتقانىن اتاپ ءوتتى.
سونىمەن قاتار، اۋەجاي مەن بالالار شىعارماشىلىعى ءۇيىنىڭ اۋماعىنداعى ەكى الاڭدى جاڭارتۋ جوسپارلانۋدا، ءقازىردىڭ وزىندە «تىكساي-جاربۇلاق» ساياباعى مەن «ماياك» توعايىن اباتتاندىرۋ بويىنشا جۇمىستار جۇرگىزىلۋدە.
سونىمەن قاتار، اۋداندا كوگالداندىرۋ جۇمىستارى جالعاسۋدا. باقىتجان اقجاروۆتىڭ ايتۋىنشا، تۇركسىب اۋدانىنىڭ جاسىل قورىندا 450 مىڭ اعاش بار، بۇل قالانىڭ جاسىل قورىنىڭ 20%-ىن قۇرايدى.
– الماتى اكىمى باقىتجان ساعىنتايەۆتىڭ ميلليون كوشەت وتىرعىزۋ تۋرالى تاپسىرماسىن ورىنداۋ اياسىندا، جاسىل ەكونوميكا باسقارماسىمەن بىرلەسىپ، اۋداندا 40 مىڭ كوشەت وتىرعىزىلدى، جىل سوڭىنا دەيىن تاعى 36 مىڭىن وتىرعىزۋ جوسپارلانۋدا، – دەدى باقىتجان اقجاروۆ.
اۋدانداعى 10 مىڭ شارشى مەترگە جۋىق گۇلزارلاردى كۇتىپ ۇستاۋ جۇمىستارى جۇرگىزىلۋدە.
