ق ر مادەنيەت جانە سپورت مينيسترلىگىنىڭ ۇيىمداستىرۋىمەن وتكەن فەستيۆالدىڭ ماقساتى- ەلىمىزدىڭ ءاربىر وبلىس، اۋداندارىنداعى دارىندى بالالار مەن تالانتتى جاستاردى انىقتاۋ جانە ولارعا جان-جاقتى قولداۋ كورسەتۋ، شىعارماشىلىق قابىلەتتىلىگىن دامىتا وتىرىپ، ورىنداۋشىلىق شەبەرلىكتەرىن شىڭداۋ، حالىقارالىق مادەني بايلانىستاردى دامىتۋ جانە نىعايتۋ، تاجىريبە الماسۋ، وتانسۇيگىشتىككە تاربيەلەۋ، ەلىمىزدىڭ ۇلتتىق ونەرى مەن تاريحىنا دەگەن قىزىعۋشىلىقتى ارتتىرۋ، جالپى ادامگەرشىلىك قۇندىلىقتاردى قالىپتاستىرۋ بولىپ تابىلادى.
بايقاۋ «ۆوكالدىق ونەر» (ءداستۇرلى ءان، اكادەميالىق ءان، ەسترادالىق ءان)، «ينسترۋمەنتالدىق ورىنداۋشىلىق» (ءداستۇرلى ونەر، كلاسسيكالىق ونەر، ەسترادالىق ونەر)، «حورەوگرافيالىق ونەر» (حالىقتىق بي، كلاسسيكالىق بي)، سونداي-اق «كوركەمدىك وقۋ» نوميناسيالارى بويىنشا ءوتتى.
اتالعان كونكۋرستا تۇركىستان وبلىسىنىڭ «جەتىگەن» ءانسامبلى باس جۇلدەنى قانجىعاسىنا بايلاسا، اكادەميالىق ءان جانرى بويىنشا سارىاعاش اۋدانىنان تۇراربەك ءاليما ءبىرىنشى ورىندى، سوزاق اۋدانىنىڭ جاس كوركەمسوز وقۋ شەبەرى تۇران وسەر ەكىنشى ورىندى، اكادەميالىق ءان جانرى بويىنشا تەمىربەكوۆا ايگەرىم ەكىنشى ورىندى، كلاسسيكالىق مۋزىكالىق اسپاپتاردا ورىنداۋشىلار اراسىندا سايرامدىق ابديماجيتوۆ نۋريللو جانە ورداباسى اۋدانىنان دياس اينابەك ءۇشىنشى ورىندى، ءداستۇرلى ءان جانرى بويىنشا سايرام اۋدانىنان امان ەرسىن ءۇشىنشى ورىندى يەمدەندى.
ايتا كەتسەك، وڭىرىمىزدەن اتالعان بايقاۋعا 10-16 جاس ارالىعىنداعى 200-دەن اسا ۇمىتكەر قاتىسىپ، 9 جانر بويىنشا ونەر كورسەتىپ، ۇزدىك دەپ تانىلعان 32 ۇمىتكەر اقتىق كەزەڭگە جولداما العان بولاتىن.
تۇركىستان وبلىسى اكىمىنىڭ باسپا ءسوز قىزمەتى
