10-24 مامىر ارالىعىندا شري-لانكانىڭ كولومبو قالاسىندا ٶتكەن بوكستان 22 جاسقا دەيٸنگٸ جاستار اراسىنداعى ازييا چەمپيوناتىندا تٷركٸستان وبلىسىنىڭ جاس بوكسشىلارى ەل مەرەيٸن ٷستەم ەتتٸ. جاستار ساناتىنداعى جارىس مەرەسٸنە جەتٸپ, قازاقستان قۇراماسى ساپىندا ٶنەر كٶرسەتكەن تٷركٸستاندىق بىلعارى قولعاپ شەبەرلەرٸ زور جەتٸستٸككە قول جەتكٸزدٸ.
سارى قۇرلىقتىڭ ٷزدٸك بوكسشىلارى جينالعان دٷبٸرلٸ دودادا وتاندىق سپورتشىلار جوعارى دەڭگەيدەگٸ دايىندىقتارىن دەلەلدەپ, بيٸك جەتٸستٸككە قول جەتكٸزدٸ. ونىڭ ٸشٸندە تٷركٸستان وبلىسىنىڭ سپورتشىلارى سەگٸز بٸردەي التىن مەدالدٸ قانجىعالادى. اتاپ ايتقاندا, 60 كەلٸ سالماقتا نۇريسلام قالدىبەك, 67 كەلٸدە باحتييار انارباەۆ, 75 كەلٸدە امان قونىسبەكوۆ قارسىلاستارىن ايقىن باسىمدىقپەن جەڭٸپ, چەمپيون اتاندى. قىزدار اراسىندا 63 كەلٸدە ارۋجان جاڭاباەۆا مەن 75 كەلٸدەگٸ شۇعىلا نەلٸباي دا ٶز شەبەرلٸكتەرٸن پاش ەتٸپ, التىننان القا تاقتى.
سونىمەن قاتار, 2007-2008 جىلى تۋعان جاسٶسپٸرٸمدەر اراسىنداعى جارىستا دا تٷركٸستاندىق بوكسشىلار جارقىراپ كٶرٸندٸ. 67 كەلٸدە سۇلتان تۇردالى مەن 54 كەلٸدە الدييار باحادۋر ٷزدٸك ٶنەر كٶرسەتٸپ, چەمپيوندىق تۇعىردان كٶرٸندٸ. ال قىزدار اراسىندا 48 كەلٸدە جۇدىرىقتاسقان ايىم تانكيباەۆا دا ەشكٸمگە دەس بەرمەي, التىن مەدال يەگەرٸ اتاندى.
عالامات نەتيجە كٶرسەتكەن سپورتشىلاردىڭ بارلىعى — «تٷركٸستان كەسٸپقوي بوكس كلۋبى» مەن وبلىستىق جوعارى سپورت شەبەرلٸگٸ مەكتەبٸ جەنە وبلىستىق №3 وليمپيادالىق سپورت مەكتەپتەرٸنٸڭ ماقتانىشتارى. بۇل جەتٸستٸكتە ولاردىڭ جەكە جاتتىقتىرۋشىلارى — ولجاس ورازاليەۆ, بولات قاسقاەۆ جەنە قاناتبەك شاعاتاەۆتاردىڭ تىنىمسىز ەڭبەگٸ مەن كەسٸبي شەبەرلٸگٸنٸڭ زور ٷلەسٸ بار.
ايتا كەتەيٸك, چەمپيونات جەڭٸمپازدارى حالىقارالىق بوكس فەدەراتسيياسى تاراپىنان اقشالاي سىياقىمەن ماراپاتتالدى: بٸرٸنشٸ ورىن يەگەرلەرٸنە — 1000 دوللار, ەكٸنشٸ ورىنعا — 500 دوللار, ال ٷشٸنشٸ ورىن يەلەرٸنە — 250 دوللار تابىستالدى.
بۇل – تٷركٸستان بوكسىنىڭ جاڭا بەلەسٸ. قۋاتتى دايىندىق پەن تاباندىلىقتىڭ ارقاسىندا جەتكەن بۇل جەڭٸس — بولاشاق چەمپيونداردىڭ قالىپتاسىپ كەلە جاتقانىن ايقىن كٶرسەتتٸ.
