تٷركٸستان وبلىسىنداعى “راۋان” كومپانيياسىنىڭ ۇجىمى پرەزيدەنت قاسىم-جومارت توقاەۆقا ٷندەۋ جاساپ, جەرگٸلٸكتٸ اتقارۋشى ورگاندار تاراپىنان قىسىم كٶرسەتٸلٸپ جاتقانىن مەلٸمدەدٸ, دەپ حابارلايدى dalanews.kz.
كومپانييا قىزمەتكەرلەرٸنٸڭ ايتۋىنشا, “راۋان” 25 جىلدان بەرٸ قازاقستاندا زاڭدى كەسٸپكەرلٸكپەن اينالىسىپ كەلەدٸ. وسى ۋاقىت ٸشٸندە كەسٸپورىن ەل بيۋدجەتٸنە شامامەن 2,15 ملرد تەڭگە سالىق تٶلەگەن. سونىمەن قاتار ٶنٸمدەرٸن قازاقستاننان بٶلەك قىتاي, موڭعولييا, ٶزبەكستان, قىرعىزستان, تەجٸكستان جەنە تٷرٸكمەنستانعا ەكسپورتتاپ وتىرعان.
ۇجىم ٶكٸلدەرٸنٸڭ سٶزٸنشە, كەيٸنگٸ ۋاقىتتا كومپانيياعا قاتىستى تەكسەرٸستەر مەن شاعىمدار كٶبەيگەن. ولار مەملەكەتتٸك ورگانداردىڭ ەرەكەتٸن قىسىم رەتٸندە باعالاپ وتىر.
“25 جىل بويى مۇنداي جاعداي بولعان ەمەس. قازٸر كومپانييانىڭ بارلىق رۇقسات قۇجاتتارى مەن قىزمەتٸ كٷمەن استىندا قالىپ وتىر”, – دەدٸ ۇجىم ٶكٸلدەرٸ.
مەلٸمدەمەدە تٷركٸستان وبلىسىنىڭ ەكٸمٸ نۇرالحان كٶشەروۆتٸڭ اتى دا اتالىپ, جەرگٸلٸكتٸ بيلٸك تاراپىنان ەكٸمشٸلٸك كەدەرگٸلەر جاسالىپ جاتقانىن العا تارتتى. كومپانييا ٶكٸلدەرٸنٸڭ ايتۋىنشا, بٸرقاتار رۇقسات قۇجاتتارىنىڭ كٷشٸ توقتاتىلىپ, جەر, ەكولوگييا جەنە سانيتارلىق-ەپيدەميولوگييالىق باقىلاۋ سالالارى بويىنشا تەكسەرٸستەر جٷرگٸزٸلگەن.
سونداي-اق ۇجىم كومپانييا جۇمىسىنىڭ توقتاۋى مىڭداعان ادامعا ەسەر ەتۋٸ مٷمكٸن ەكەنٸن ايتتى. قازٸرگٸ تاڭدا كەسٸپورىن قازاقستان بويىنشا 32 ديستريبيۋتورمەن جۇمىس ٸستەيدٸ. بۇل شامامەن 40 مىڭ دٷكەندٸ قامتيدى.
كومپانييا قىزمەتكەرلەرٸنٸڭ بٸرٸ مارينا بوگومازوۆا “راۋاندا” 25 جىلدان بەرٸ ەڭبەك ەتٸپ كەلە جاتقانىن ايتىپ, جۇمىس ورىندارىن ساقتاپ قالۋعا كٶمەكتەسۋدٸ سۇرادى.
“بۇل جەر بٸز ٷشٸن ەكٸنشٸ وتباسى سەكٸلدٸ. ەر قىزمەتكەردٸڭ ارتىندا وتباسى, بالا-شاعا, نەسيە بار. بٸز جۇمىسىمىزدى جوعالتقىمىز كەلمەيدٸ. ەلٸمٸزدٸڭ يگٸلٸگٸ ٷشٸن ەڭبەك ەتۋدٸ جالعاستىرعىمىز كەلەدٸ”, – دەدٸ ول.
ۇجىم پرەزيدەنتتەن جاعدايعا نازار اۋدارىپ, كومپانييا قىزمەتٸنە بايلانىستى مەسەلەلەردٸ قاراستىرۋدى سۇرادى.
