قازىرگى ۋاقىتتا وڭىردە بيزنەستى دامىتۋ، ينۆەستورلار ءۇشىن قولايلى جاعداي جاساۋ، ەكسپورتتىق الەۋەتتى ارتتىرۋ جانە ءتۋريزمدى دامىتۋعا باسا نازار اۋدارىلۋدا.
سونىمەن، تۇركىستان وبلىسىندا «TURKISTAN INVEST» فرونت ءوفيسى قۇرىلدى. ول ينۆەستورلاردى تارتۋ جانە سۇيەمەلدەۋ، سونداي اق، ەكسپورتتى دامىتۋ جۇمىستارىن اتقارۋدا.
– قازىرگى ۋاقىت ينۆەستورلار جانە ەكسپورتتاۋشىلارمەن جۇمىس جۇرگىزۋدىڭ جاڭا ءتاسىلىن تالاپ ەتەدى. ينۆەستيسيا جانە ەكسپورت پاراللەلدى تۇردە دامۋى ءتيىس باعىتتار، سەبەبى شەتەلدىك ينۆەستورلاردى تارتا وتىرىپ، ەكسپورتتاۋشىلار ءۇشىن الەمدىك نارىققا جاعا جول اشىلادى. وسىلايشا، ەلىمىزدىڭ ەكسپورت گەوگرافياسىن ايتارلىقتاي كەڭەيتۋ مۇمكىندىگى پايدا بولماق. وسىنىڭ نەگىزىندە وڭىردە ايماقتىق ەكونوميكانى دامىتۋ ساياساتىن ازىرلەيتىن ينۆەستيسيالار جانە ەكسپورت باسقارماسى قۇرىلدى. سونداي-اق وسى ەكى باعىتتى «ءبىر تەرەزە» رەجيمىندە جۇمىس ىستەيتىن فرونت-وفيسكە بىرىكتىرۋ ءتيىمدى، – دەيدى تۇركىستان وبلىسى اكىمىنىڭ ورىنباسارى مەيىرجان مىرزالييەۆ.
سونىمەن قاتار، ينۆەستيسيالاردى تارتۋ تەتىكتەرىنىڭ تيىمدىلىگىن ارتتىراتىن ءبىرىڭعاي ينۆەستورلار بازاسى قۇرىلدى.
بۇگىن تۇركىستان وبلىسىنىڭ ءفرونت-وفيسى ءوڭىردىڭ ەكونوميكالىق الەۋەتىنە تالداۋ جاسادى. ونىڭ نەگىزىندە باسىم ينۆەستيسيالىق باعىتتار انىقتالىپ، تىڭ جوبالار ازىرلەندى. ناتيجەسىندە، جالپى سوماسى 106،9 ملرد.تەڭگەگە 11 جوبا دايىندالدى. 86 ينۆەستيسيالىق جوبادان تۇراتىن تىزبە ازىرلەندى. ولاردىڭ جالپى قۇنى 338 ملرد.تەڭگە. اتالعان جوبالاردىڭ ىشىندە 4 317 جاڭا جۇمىس ورىندارىن اشۋعا مۇمكىندىك بەرەتىن سوماسى 179 ملرد.تەڭگەگە 43 جوبا 2019 جىلى جۇزەگە اسىرىلادى. ونىڭ ىشىندە قۇنى 53،1 ملرد.تەڭگەنى قۇرايتىن 6 جوبا شەتەلدىك كاپيتال قاتىسۋىمەن ىسكە اسىرىلۋدا. بۇل جوبالار جۇمىسسىز جۇرگەن 443 ازاماتتى جۇمىس ورنىمەن قامتاماسىز ەتەتىن بولادى.
شەتەلدىك ينۆەستورلار جانە ەكسپورتتاۋشىلاردىڭ قولايلىلىعى ءۇشىن قاجەتتى اقپاراتتى قامتيتىن جانە فرونت-وفيسپەن جۇمىس بارىسىن ايقىن بولۋىنا نەگىز بولاتىن ءبىرىڭعاي سايت دايىندالۋدا.
ستاتيستيكا مالىمەتتەرىنە سايكەس، تۇركىستان وبلىسىنىڭ نەگىزگى كاپيتالىنا سالىنعان ينۆەستيسيالار كولەمى 2019 جىلدىڭ 5 ايىندا 87،3 ملرد.تەڭگەنى قۇرادى، بۇل 2018 جىلدىڭ سايكەس كەزەڭىمەن سالىستىرعاندا 129،8% -عا جوعارى.
ەكسپورتتى دامىتۋ بويىنشا دا كوپتەگەن جۇمىستار اتقارىلعان. ەكسپورت گەوگرافياسى بويىنشا تالداۋ جاسالىنىپ، بارلىق مۇمكىن توسقاۋىلدار مەن شەشىمدەر انىقتالدى، سونىڭ نەگىزىندە ەكسپورتتاۋشىلاردىڭ ءبىرىڭعاي بازاسى جاسالدى.
قازىرگى «سيفرلىق قازاقستان» مەملەكەتتىك باعدارلاماسى بويىنشا بۇكىل ەكونوميكا سيفرلىق فورماتقا اۋىسقاندىقتان، ايماقتا شوب دامىتۋدىڭ نەگىزگى فاكتورى بولا الاتىن «Turkestan Digital Trade» كوپ فۋنكسيونالدى سيفرلىق ساۋدا الاڭى ىسكە قوسىلدى.
ستاتيستيكاعا سايكەس، تۇركىستان وبلىسىنىڭ وڭدەلگەن ەكسپورتتىق ونىمدەرىنىڭ كولەمى 2019 جىلدىڭ 6 ايىندا 342،3 ملن. اقش دوللارىن قۇراپ، 2018 جىلدىڭ سايكەس كەزەڭىمەن سالىستىرعاندا 132،5% -عا ارتتى.
ايتا كەتۋ كەرەك، فرونت-وفيس تاۋلىك بويى جۇمىس ىستەيدى. كەڭسەدە قوڭىراۋ شالۋ ورتالىعى (call-center: 20-14) جۇمىس ىستەيدى، بايلانىس قولايلىعىن ارتتىرۋ ماقساتىندا ءموبيلدى قۇرىلعى ارقىلى بايلانىس ورناتىلادى.
تۇركىستان وبلىسى اكىمىنىڭ باسپا ءسوز قىزمەتى
