فورۋمدا تۇركىستان وبلىسىنىڭ اكىمى جانسەيىت تۇيمەبايەۆ ءوڭىردىڭ دامۋى جانە ينۆەستيسيالىق تارتىمدىلىعى جونىندە بايانداما جاسايدى. بىلتىر وڭىرگە 482 ملرد. تەڭگە كولەمىندە ينۆەستيسيا تارتىلىپ، بۇل كورسەتكىش بويىنشا رەسپۋبليكادا ۇزدىكتەر قاتارىنان تابىلعان. ونىڭ ىشىندە وڭدەۋ ونەركاسىبىنە 129 ملرد. تەڭگە تارتىلىپ، 2،5 ەسەگە ۇلعايعان. وبلىستا شاعىن جانە ورتا كاسىپكەرلىك جاقسى دامىعان. ينۆەستيسيا تارتۋ ماقساتىندا تۇركىستان قالاسىندا «TURKISTAN» ارنايى ەكونوميكالىق ايماعىن قۇرۋ جۇمىستارى جوسپارلانعان. بۇل ايماقتا كاسىپكەرلەرگە 25 جىلعا دەيىن سالىق تولەۋدە جەڭىلدىكتەر قاراستىرىلماق.
سونىمەن قاتار، فورۋمدا ق ر ينۆەستيسيالار جانە دامۋ ءمينيسترى جەڭىس قاسىمبەك، ق ر مادەنيەت جانە سپورت ءمينيسترى ارىستانبەك مۇحامەدي ۇلى، تۇركى كەڭەسىنىڭ باس حاتشىسى باعدات امىرەيەۆ، ەۋرازيالىق ەكونوميكالىق ىنتىماقتاستىق ۇيىمىنىڭ باس حاتشىسى ۆلاديمير پيسكۋريەۆ، «RIXOS HOTELS» پرەزيدەنتى فەتاح تاميندجي، ءتۋريزمنىڭ ەۋرازيالىق اسسوسياسياسىنىڭ پرەزيدەنتى رىستى قارابايەۆا، Golden Camel كومپانياسىنىڭ قۇرىلتايشىسى ەيانگ دجي، «DALHolding» كومپانياسىنىڭ باسشىسى دەميردجان كوسە، «اتامەكەن» ۇلتتتىق كاسىپكەرلەر پالاتاسىنىڭ باسقارما ءتوراعاسى ابىلاي مىرزاحمەتوۆ جانە وزگە دە سپيكەرلەر ءسوز سويلەيدى دەپ جوسپارلانعان.
فورۋم اياسىندا ۆ2ۆ فورماتىنداعى كەزدەسۋلەر ءوتىپ جاتىر. ماڭىزدى باسقوسۋدا تۇركىستان وبلىسى اكىمدىگى مەن شەتەل كومپانيالارى اراسىندا كەلىسىمدەر مەن مەموراندۋمدارعا قول قويىلادى. وبلىستىڭ تۋريستىك، ەكونوميكالىق الەۋەتىن كوتەرۋ، كاسىپكەرلىكتى، ءوندىرىستى دامىتۋ باعىتىندا ناقتى جوبالار ۇسىنىلىپ، شەتەلدىك ينۆەستورلارمەن كەلىسىم جاساۋ كوزدەلگەن.
سونىمەن بىرگە «تۋريزم يندۋسترياسى – قازاقستان ەكونوميكاسىنىڭ جاڭا درايۆەرى»، «سولتۇستىك-وڭتۇستىك ەكونوميكالىق ءدالىزى» تاقىرىپتارىندا جانە اگروونەركاسىپ كەشەنىن دامىتۋداعى ادام كاپيتالىنىڭ ءرولى جونىندە پىكىرالماسۋلار وتەدى.
تۇركىستان وبلىسى اكىمىنىڭ باسپا ءسوز قىزمەتى
