تٷركٸستاندا تٷيە مەن بيە سٷتٸن ٶڭدەيتٸن زاۋىت ٸسكە قوسىلدى
بۇل – ورتالىق ازييادا تەڭدەسٸ جوق, تٷيە سٷتٸنەن قۇرعاق ۇنتاق شىعاراتىن جالعىز زاۋىت. تٷركٸستان يندۋستريالدى ايماعىندا ورنالاسقان كەسٸپورىننىڭ قۇرىلىسى ٶتكەن جىلدىڭ قاڭتار ايىندا باستالعان-دى.
بيىلعى جىلدىڭ ماۋسىم ايىندا سىرتقى قۇرىلىس جۇمىستارى مەن قۇرال-جابدىقتارىن مونتاجداۋ جۇمىستارى تولىق اياقتالدى. الىپ ٶڭدەۋ كەشەنٸ تولىقتاي سوڭعى ٷلگٸدەگٸ زاماناۋي قۇرال-جابدىقتارمەن قامتىلعان. تٷيە شارۋاشىلىقتارىنان جينالعان سٷت الدىمەن ٶڭدەۋ تسەحىنا جەتكٸزٸلٸپ, وسى جەردە تولىق ٶڭدەلەدٸ.
– بۇل تسەح ەڭ سوڭعى جاڭا تەحنولوگييامەن جابدىقتالعان. بارلىق جٷيە اۆتوماتتاندىرىلعان. تسيفرلى تەحنولوگييامەن باسقارىلادى. تسەحتىڭ نەگٸزگٸ مٸندەتٸ, سٷتٸ قابىلداپ العاننان كەيٸن ەڭ العاشقى ٶڭدەۋ پروتسەستەرٸ جٷرەدٸ. ارنايى قوندىرعىمەن تازالانىپ, زالالسىزداندىرىلادى. ەڭ سوڭىندا تازا سٷتتٸ كەلەسٸ تسەحقا جٸبەرٸپ, ۇنتاق ەتٸپ شىعارۋعا دايىندايمىز. زاۋىت تەۋلٸگٸنە 100 توننا تٷيە جەنە بيە سٷتٸن ٶڭدەپ, ودان قۇرعاق ۇنتاق شىعارادى. مىسالى 15 توننا تٷيە سٷتٸنەن 1 توننا دايىن ۇنتاق الىنادى. مەسەلەن, قۇتىداعى قۇرعاق ۇنتاقتى سۋعا ەزٸپ, شۇبات رەتٸندە پايدالانا بەرۋگە بولادى. بٸر قۇتىنىڭ ٸشٸندەگٸ ۇنتاقتىڭ سالماعى – 330 گرام. ەگەر مۇنى تٷيە سٷتٸنە اينالدىراتىن بولساق, 3,5 ليتر دايىن شۇباتقا اينالادى. زاۋىتتان شىققان دايىن ٶنٸم نەگٸزٸنەن قىتايعا ەكسپورتتالادى. ودان كەيٸن ەۋروپا ەلدەرٸ مەن اقش-قا ەكسپورتتاۋ جوسپاردا بار, – دەيدٸ الدىن الا ٶڭدەۋ تسەحىنىڭ جۇمىسشىسى ارشىن عابيدەن.
كەسٸپورىن – قازاقستان مەن قىتايدىڭ بٸرلەسكەن جوباسى. قىتاي ينۆەستورلارىنىڭ قارجىسىنا سالىنعان زاۋىت قۇنى – 21 ملن. دوللار, ياعني 7,5 ملرد تەڭگە. دايىن تاۋار تولىقتاي ەكسپورتقا شىعارىلاتىندىقتان, ٶنٸم ساپاسىنا قويىلار تالاپ تا جوعارى. مۇنداعى قۇرال-جابدىقتار ەڭ جاڭا تەحنولوگييامەن جابدىقتالعان. بۇل جەردە ادامنىڭ قول كٷشٸ جۇمىس ٸستەمەيدٸ. تەك قانا ماماندار قاداعالاپ, باقىلاپ, باسقارىپ وتىرادى.
زاۋىت ديرەكتورىنىڭ بٸرٸنشٸ ورىنباسارى جازيرا وزاتقىزىنىڭ ايتۋىنشا, قازٸر مۇندا 100 ادام ەڭبەك ەتەدٸ. ونىڭ 10-ى قىتايلىق مامان بولسا, قالعان 90-نى – جەرگٸلٸكتٸ تۇرعىندار. ال زاۋىتقا قاجەتتٸ شيكٸزات تٷركٸستان وبلىسىنداعى شٷيە شارۋاشىلىقتارىنان جەتكٸزٸلەدٸ. شۇباتتىڭ بٸر ليترٸن شارۋالاردان 450 تەڭگەدەن ساتىپ الادى. بۇل بٸر جاعىنان ٶڭٸردەگٸ تٷيە شارۋاشىلىعىنىڭ دامۋىنا سەرپٸن بەرسە, ەكٸنشٸدەن ۇلتتىق سۋسىنىمىز ەلەمدٸك نارىققا شىعادى. بٷكٸل ورتا ازييا كٶز تٸككەن زاۋىت قازٸر سىناق مەرزٸمٸندە جۇمىس ٸستەپ جاتىر. بۇيىرسا, بيىلعى جىلدىڭ سوڭىندا تولىق ٸسكە قوسىلماق.
