تٷركٸستاندا تۇرعىن ٷيدٸڭ بەرٸ «نۇرلى جەر» باعدارلاماسى اياسىندا سالىنادى
مۇنداعى تۇرعىن ٷيدٸڭ بارلىعى «نۇرلى جەر» باعدارلاماسى اياسىندا سالىنادى. بٷگٸنگٸ تاڭدا 20 كٶپقاباتتى تۇرعىن ٷيدٸڭ جوبالىق قۇجاتتارى دايىندالعان, تيٸستٸ قاراجات وبلىستىق بيۋدجەتتەن بٶلٸنگەن. سونىمەن, اعىمداعى جىلى 20 ٷيدٸڭ قۇرىلىسى باستالادى دەپ وتىرمىز. ول ەلەۋمەتتٸك جاعىنان ەلسٸز توپتار مەن باسپانا كەزەگٸندە تۇرعان ازاماتتارعا بەرٸلەدٸ.
تٷركٸستاندا تۇرعىن ٷي كەزەگٸندە تۇرعاندار سانى 5 جارىم مىڭنان, ال باسپانا سالۋ ماقساتىندا جەر تەلٸمٸن الۋ كەزەگٸندە تۇرعاندار 25 مىڭنان اسادى. وسى رەتتە كٶپقاباتتى ٷيلەردٸڭ قۇرىلىسى قالاداعى باسپانا مەسەلەسٸن شەشۋگە بارىنشا سەپتٸگٸن تيگٸزٸپ كەلەدٸ.
الداعى ۋاقىتتا تٷركٸستان قالاسىنداعى جاڭا ٷيلەر شىمكەنت جەنە كەنتاۋ باعىتىنا قاراي سالىنادى. ٶيتكەنٸ, ەكٸمدٸكتەگٸلەر بۇل ينفراقۇرىلىم فاكتورلار جاعىنان العاندا قولايلى ەكەنٸن ايتۋدا.
