Túrkistanda turǵyn úidiń bári «Nurly jer» baǵdarlamasy aiasynda salynady
Mundaǵy turǵyn úidiń barlyǵy «Nurly jer» baǵdarlamasy aiasynda salynady. Búgingi tańda 20 kópqabatty turǵyn úidiń jobalyq qujattary daiyndalǵan, tiisti qarajat oblystyq biýdjetten bólingen. Sonymen, aǵymdaǵy jyly 20 úidiń qurylysy bastalady dep otyrmyz. Ol áleýmettik jaǵynan álsiz toptar men baspana kezeginde turǵan azamattarǵa beriledi.
Túrkistanda turǵyn úi kezeginde turǵandar sany 5 jarym myńnan, al baspana salý maqsatynda jer telimin alý kezeginde turǵandar 25 myńnan asady. Osy rette kópqabatty úilerdiń qurylysy qaladaǵy baspana máselesin sheshýge barynsha septigin tigizip keledi.
Aldaǵy ýaqytta Túrkistan qalasyndaǵy jańa úiler Shymkent jáne Kentaý baǵytyna qarai salynady. Óitkeni, ákimdiktegiler bul infraqurylym faktorlar jaǵynan alǵanda qolaily ekenin aitýda.
