جيىندا IT-ماماندار اقىلدى وڭىردە قالانى قۇرۋ باعىتىنداعى يننوۆاسيالىق يدەيالارىن قوسىپ، تۇركىستاننىڭ كەلەشەگىن تالقىلادى. الدىمەن جيىنعا قاتىسۋشىلار تۇركىستان قالاسىنداعى جاڭا اقىلدى قالا تۇرعىن ءۇي كەشەندەرىنىڭ كىرپىشىن قالاۋ راسىمىنە قاتىستى. وندا سيفرلاندىرۋ بويىنشا «Platonus» ىت-كومپانياسىنىڭ وكىلى ولجاس تۇرعامبەك ۇلى اقىلدى قالانى قۇرۋ مەن باسقارۋدىڭ ماڭىزدىلىعىنا توقتالىپ، ءوزىنىڭ العان اسەرىمەن ءبولىستى.
– ءبىز قالا تۇرعىندارى ءۇشىن ىڭعايلى جانە قولجەتىمدى ينفراقۇرىلىمدى جاسايتىن جانە اقىلدى قالانى قۇرۋ مەن باسقارۋ يدەيالارىن تالقىلايتىن الاڭعا كەلدىك. سەبەبى، بىزگە وسى جەردە كىرپىش قالاۋىمىزدى ۇسىندى. بۇل، ارينە، كۇتپەگەن جايت. بولاشاقتا اقىلدى قالا اۋماعى جاڭا تۇركىستاننىڭ بەت-بەينەسى مەن كەلبەتىنە وزىندىك اسەر ەتەتىنى انىق، – دەدى ولجاس تۇرعىمبەك ۇلى.
ودان كەيىن شارا «Smart Turkistan» فورۋمىمەن جالعاستى. كەزدەسۋدە سيفرلاندىرۋ بويىنشا تۇركىستان وبلىسىنىڭ دامۋ تۇجىرىمداماسىنىڭ تانىستىرىلىمى ءوتتى. سونىمەن بىرگە، حالىققا قىزمەت كورسەتۋدە مەملەكەتتىك-جەكە سەرىكتەستىك ۇلگىسى رەتىندە «Vendor Management Office» (VMO) ارقىلى جۇمىس ىستەۋدىڭ اشىقتىعىن ەنگىزۋ جوباسى كورسەتىلدى.
باسقوسۋدا تۇركىستان وبلىسى اكىمىنىڭ كەڭەسشىسى ۇلان تاجىبايەۆ فورۋمنىڭ تۇركىستاندى دامىتۋ ءۇشىن ماڭىزى زور ەكەنىن جەتكىزدى.
– ءبىز ەسەپ بەرۋ ءۇشىن تەحنولوگيالار قۇرمايمىز. ءبىزدىڭ مىندەت – تۇركىستان وبلىسىنىڭ تۇرعىندارىنىڭ ءومىرىن جاقسارتۋ. مىنە، وسى مەملەكەتتىك باسقارۋدا ادامعا باعدارلانعان ءتاسىل قاعيداسى ماڭىزدى، – دەدى ۇلان قالمۇحان ۇلى.
سونداي-اق، فورۋم بارىسىندا سپيكەرلەر دەنساۋلىق ساقتاۋ، ءبىلىم بەرۋ، الەۋمەتتىك باعىت، كولىك جانە قاۋىپسىزدىك، مادەنيەت، ءدىن جانە تۋريزم، مەملەكەتتىك باسقارۋ، تۇكش، اۋىل شارۋاشىلىعى، اقپاراتتىق تەحنولوگيالار مەن تەلەبايلانىستار بويىنشا ءوز يدەيالارىن ورتاعا سالىپ، ۇسىنىستارىن ءبىلدىردى.
تۇركىستان وبلىسى اكىمىنىڭ باسپا ءسوز قىزمەتى
