تۇركىستانداعى تۋ تۇعىردىڭ بيىكتىگى 62،5 مەتردى قۇرايدى. بايراقتىڭ ەنى 12 مەتر بولسا، ۇزىندىعى – 24 مەتر.
مەرەكەلىك ءىس-شارادا كونسەرتتىك باعدارلاما ۇسىنىلىپ، وتانشىلدىقتى دارىپتەيتىن اندەر شىرقالدى. ءىس-شارا «كوك تۋدىڭ جەلبىرەگەنى» انىمەن تۇيىندەلىپ، تۇركىستاندىقتار ءبىر-بىرىن مەرەكەمەن قۇتتىقتادى.
بىلتىردان باستاپ رەسپۋبليكا كۇنىنە ۇلتتىق مەرەكە مارتەبەسى قايتارىلدى. بۇل – تاۋەلسىز ەلىمىز ءۇشىن ماڭىزدى شەشىمدەردىڭ ءبىرى. رەسپۋبليكا كۇنى – قازاق حالقىنىڭ مەملەكەت قۇرۋ جولىنداعى تاريحي قادامىنىڭ سيمۆولى.
بۇل دەكلاراسيا قازاقستاننىڭ بولاشاق تاۋەلسىزدىگىنىڭ ىرگەتاسى بولدى. دەكلاراسيا ارقىلى قازاقستاننىڭ جەكە تەرريتورياسى، ازاماتتىعى، مەملەكەتتىك بيۋدجەتى، حالىقارالىق قاتىناستارداعى دەربەستىگى، ساياسي جولى بەكىتىلدى.
سوندىقتان دا رەسپۋبيكا كۇنىن ەلدىڭ ەڭسەسىن كوتەرىپ، وتانشىلدىقتى دارىپتەيتىن باستامالارمەن اتاپ ءوتۋ – ماڭىزدى. مەملەكەتتىك تۋ – ەلدىكتىڭ بەلگىسى. ازاتتىقتىڭ ايبارى. مەملەكەتتىك رامىزدەردى قۇرمەتتەۋ – وتانشىلدىق.
بىلتىردان بەرى مەملەكەت باسشىسى قاسىم-جومارت توقايەۆتىڭ باستاماسىمەن ەلىمىزدىڭ بارلىق وڭىرىندە تۋ كوتەرۋ ءراسىمى ءوتىپ كەلەدى. سونىڭ ىشىندە قاسيەتتى تۇركىستان تورىندە دە ۇيىمداستىرىلىپ ءجۇر. قازاق حاندىعىنىڭ استاناسى بولعان تۇركىستاندا كوك تۋدىڭ جەلبىرەۋى ءارى قۇرمەتتەلۋى – زاڭدىلىق.
بيىل دا تۇركىستان جۇرتشىلىعى ماڭىزدى مەرەكەنى جوعارى دەڭگەيدە اتاپ ءوتىپ، مەملەكەتتىك رامىزدەر دارىپتەلدى.
