«تٷركٸستان – قوجا احمەت ياسساۋي» مەشٸتٸندە تٷركٸستاندا مەڭگٸ قونىس تاپقان قازاق حاندارى مەن بيلەرٸنٸڭ رۋحىنا قۇران باعىشتالىپ, اۋىزاشار بەرٸلدٸ. رۋحاني كەشتە وبلىس ەكٸمٸ دارحان ساتىبالدى بارشا قاۋىمدى قاسيەتتٸ رامازان ايىمەن قۇتتىقتادى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
– رامازان – ون ەكٸ ايدىڭ سۇلتانى, بەرەكەلٸ دە كەشٸرٸمٸ مول اي. كٷللٸ مۇسىلمان قاۋىمى, اتا-بابالارىمىز بۇل ايدى اسىعا كٷتٸپ, قۇلشىلىقتارىن كٷشەيتكەن. ەلدٸڭ اماندىعى, بٸرلٸگٸ ٷشٸن دۇعا ەتٸپ, اللادان تٸلەك تٸلەگەن.
قازٸر ەلٸمٸزدٸڭ بٸرنەشە ٶڭٸرٸندە سۋ تاسقىنىنا قارسى جۇمىستار اتقارىلىپ جاتىر. سونداعى باۋىرلارىمىز, وتانداستارىمىز ٷشٸن دە تٸلەك تٸلەيٸك. قيىندىقتار ارتتا قالسىن!
بٷگٸنگٸ كەزدەسۋدٸ پايدالانا وتىرىپ, جومارت, جاناشىر ازاماتتاردى, كەسٸپكەرلەردٸ كٶمەككە مۇقتاج ادامدارعا قامقورلىق كٶرسەتۋگە, تابيعي اپات سالدارىنان جاپا شەككەن الىستاعى اعايىن-باۋىرعا قول ۇشىن بەرٸپ, كٶمەكتەسۋگە شاقىرامىن.
قۇتتى, قاسيەتتٸ ايدىڭ سوڭعى كٷندەرٸندە تٸلەگەن دۇعا-تٸلەكتەرٸڭٸز قابىل بولسىن! قازاق ٷشٸن تٷركٸستاننىڭ ورنى ايرىقشا. مەملەكەت باسشىلىعى تاراپىنان قاسيەتتٸ ايماققا كٶڭٸل بٶلٸنٸپ جاتىر. بٸز تٷركٸستاندى دامىتۋ جۇمىستارىن جالعاستىرامىز. تەۋەلسٸزدٸگٸمٸز باياندى, ەلٸمٸز امان, جۇرتىمىز تىنىش بولعاي! – دەدٸ وبلىس باسشىسى.
كەش تٷركٸستان وبلىسىنىڭ باس يمامى ەرجان تٶلەپوۆتىڭ اۋىزاشار باتاسىمەن باستالدى. جيىندى دەستٷرلٸ ەنشٸ بەكزات سەكەنۇلى جٷرگٸزدٸ. كەش بارىسىندا ارداگەرلەر, ابىز قارييالار, زييالى قاۋىم ٶكٸلدەرٸ تاعىلىمدى ەڭگٸمە, ٶنەگەلٸ ٶسيەت تۋرالى وي ٶربٸتتٸ. قازاقستان مۇسىلماندارى دٸني باسقارماسى سايرام اۋدانىنىڭ باس يمامى ارىستان وسپانوۆ ۋاعىز ايتسا, ەمٸرە قاجى بەكايدار باتا بەردٸ. قوجا احمەت ياساۋيدٸڭ, قازاق حاندارىنىڭ رۋحىنا قۇران باعىشتالدى.
رۋحاني كەشكە قاتىسقان جاماعات بٸر-بٸرٸنە «ورازادان ورازاعا امان-ەسەن جەتە بەرەيٸك» دەپ تارقاستى.
تٷركٸستان توپىراعىندا 40-تان استام دٸني-رۋحاني تۇلعا, قازاقتىڭ 21 حانى, 8 سۇلتان, 20-دان استام بي, 60-تان استام باتىر, ەزٸز انالار, يگٸ جاقسىلار جاتىر. اتالعان اڭىز ادامنىڭ بارلىعى دا قازاق تاريحى مەن رۋحانيياتىندا ەرەكشە مەنگە يە.
