شاڭىراقتىڭ بەرەكە-بىرلىگىن ناسيحاتتاعان مەرەيلى شارادا ءسوز العان تۇركىستان وبلىسى قوعامدىق دامۋ باسقارماسىنىڭ باسشىسى اڭسار وسەربايەۆ جەڭىمپازداردى ارنايى قۇتتىقتاپ، بايقاۋدا بەلسەندىلىك تانىتقان بارلىق وتباسىعا العىسىن ءبىلدىردى.
– دانا حالقىمىز «وتان – وتباسىنان باستالادى» دەگەن ۇلاعاتتى ءسوزدى تەككە ايتپاعان. وتباسى قاي زاماندا بولسىن مىقتى مەملەكەتتىڭ نەگىزى بولىپ سانالادى. بيىل ۇلتتىق بايقاۋعا قاتىسۋ ءۇشىن تۇركىستان وبلىسىنان 116 وتباسى ءوتىنىش ءبىلدىردى. وبلىستاعى بارلىق اۋدان، قالالاردا ۇيىمداستىرىلعان بايقاۋدىڭ العاشقى كەزەڭىندە 26 وتباسى جەڭىمپاز اتاندى. ارنايى كوميسسيانىڭ شەشىمىمەن وتباسىلار انىقتالىپ، جۇلدەلەر مەن سىيلىقتار بەرىلەدى. شارانىڭ باستى ماقساتى – وتباسى قۇندىلىقتارىن دارىپتەۋ جانە ءار اۋداننان كەلگەن ءتۇرلى سالادا جۇرگەن وتباسىلاردى جاس بۋىنعا ۇلگى رەتىندە كورسەتۋ، – دەدى اڭسار جاڭاباي ۇلى.
ءادىلقازىلاردىڭ شەشىمى بويىنشا بايقاۋدىڭ باس جۇلدەسىن 4 ۇل، 3 قىز دۇنيەگە اكەلىپ، 31 نەمەرە، 25 شوبەرە وسىرگەن تۇركىستان قالاسىنىڭ قۇلبايىمبەتوۆتەر وتباسى يەلەندى. اۋلەتتىڭ تىرەگى 81 جاستاعى زەينەتكەر جارقىنبەك قۇلبايىمبەتوۆ 40 جىل ءمۇعالىم قىزمەتىن اتقارعان.
ءىى ورىندى 7 ۇل، 1 قىز دۇنيەگە اكەلىپ، 33 نەمەرە وسىرگەن تولەبي اۋدانىنان اجىبايەۆتار وتباسى لايىق دەپ تانىلدى.
ال ءىىى ورىندى 8 ۇل-قىز ءوسىرىپ، ەتنوسارالىق كەلىسىم مەن بىرلىكتى نىعايتۋعا ەلەۋلى ەڭبەك ءسىڭىرىپ جۇرگەن سايرام اۋدانىنىڭ تۇرعىندارى يلحامجانوۆتار وتباسى يەلەندى.
شارا بارىسىندا باسقارما باسشىسى جەڭىمپاز جانە جۇلدەگەر وتباسىلاردى العىس حاتتار جانە سەرتيفيكاتتارمەن ماراپاتتادى. سونداي-اق بايقاۋدا ب ا ق سىناعان 23 وتباسىعا ىنتالاندىرۋ سىيلىقتارى تابىستالدى.
