– مىنەكي، شىمكەنتتەن تۇركىستان قالاسىنا كوشىپ كەلگەنىمىزگە تۋرا 1 اي بولدى. وبلىس ورتالىعىندا قارقىندى جۇمىس ءجۇرىپ جاتىر. تۇركىستاننىڭ دامۋىنا ەلباسىمىز تىكەلەي نازار اۋدارىپ، كوڭىل ءبولىپ وتىر. تۇركىستان قالاسىنىڭ تۋريستىك الەۋەتى وتە جوعارى. وتكەن جىلى 1 ملن. 190 مىڭنان استام تۋريست پەن زياراتشىلار كەلگەن بولسا، الداعى ۋاقىتتا ولاردىڭ سانىن كوبەيتۋ كوزدەلىپ وتىر. الايدا، ول ءۇشىن قالاعا جاڭا اۋەجاي، تەمىر جول ۆوكزالى مەن اۆتوۆوكزال سەرۆيستىك قىزمەت كورسەتەتىن الەۋمەتتىك-مادەني نىساندار سالىپ، ولارعا قاجەتتى ينجەنەرلىك ينفراقۇرىلىمدار جۇرگىزۋ قاجەت. تاشكەنت-تۇركىستان-تاشكەنت باعىتىندا قاتىنايتىن جۇردەك پويىز، تاشكەنت-تۇركىستان-تاشكەنت باعىتىندا اۆتوبۋس مارشرۋتىن اشۋ بويىنشا الدىن الا وزبەكستان تاراپىمەن كەلىسىلىپ، ق ر ينۆەستيسيا جانە دامۋ مينيسترلىگىنە جولداندى. قاجەتتى جوبالاردىڭ بارلىعى كەشەندى جوسپار جوباسىنا ەنگىزىلىپ، ق ر ۇلتتىق ەكونوميكا مينيسترلىگىنە ۇسىنىلدى. تۇركىستان قالاسىندا سالىناتىن جاڭا نىساندار ءۇشىن قازاندىق پەن 3 پودستانسيا قۇرىلىسىن جۇرگىزۋدى جوسپارلاپ وتىرمىز. سۋ، گاز ماسەلەلەرى جەدەل قولعا الىنادى. تۇرعىن ءۇي ماسەلەسىن شۇعىل شەشۋ ءۇشىن جەرگىلىكتى بيۋدجەت ەسەبىنەن تۇركىستان جانە كەنتاۋ قالالارىندا 1956 پاتەرلى جالپى 33 تۇرعىن ءۇيدىڭ قۇرىلىسى باستالىپ كەتتى. مەن وبلىس كاسىپكەرلەرىن تۇركىستان قالاسىنا ينۆەستيسيا سالىپ، ءوز جۇمىستارىن جۇرگىزۋگە تاعى دا شاقىرامىن. اكىمدىك تاراپىنان قولداۋ بولادى. باس جوسپار قابىلدانعاننان كەيىن تۇركىستاندا قۇرىلىس قارقىن الادى» دەدى جانسەيىت تۇيمەبايەۆ.
جيىندا بۇدان وزگە مىنا ماسەلەلەر تالقىلاندى:
«وڭتۇستىك قازاقستان وبلىسىنىڭ تىرەك اۋىلدىق ەلدى مەكەندەرىنىڭ تىزبەسىن ايقىنداۋ تۋرالى» وڭتۇستىك قازاقستان وبلىسى اكىمدىگىنىڭ 2017 جىلعى 27 شىلدەدەگى №205 قاۋلىسىنا وزگەرىستەر ەنگىزۋ تۋرالى» تۇركىستان وبلىسى اكىمدىگىنىڭ قاۋلى جوباسى؛
«مەملەكەتتىك دەنساۋلىق ساقتاۋ سەكتورى ۇيىمدارىنىڭ اۋىلدىق جەردە جانە قالا ۇلگىسىندەگى كەنتتەردە جۇمىس ىستەيتىن مەديسينا جانە فارماسيەۆتيكا قىزمەتكەرلەرىنە كوممۋنالدىق قىزمەتتەرگە جانە وتىنعا ارنالعان شىعىستاردى بيۋدجەت قاراجاتى ەسەبىنەن وتەۋ مولشەرىن بەلگىلەۋ تۋرالى» وڭتۇستىك قازاقستان وبلىستىق ءماسليحاتىنىڭ 2016 جىلعى 25 اقپانداعى №47/389-V شەشىمىنە وزگەرىس ەنگىزۋ تۋرالى» وبلىستىق ءماسليحات شەشىمىنىڭ جوباسى؛
«وڭتۇستىك قازاقستان وبلىسى اكىمدىگىنىڭ 2015 جىلعى 20 ساۋىردەگى №103 «باقىلاۋ فۋنكسيالارىن جۇزەگە اسىرۋ ءۇشىن قاجەتتى اقپارات پەن قۇجاتتاردى ساقتانۋشىنىڭ، ساقتاندىرۋشىنىڭ، اگەنتتىڭ جانە قوعامنىڭ ۇسىنۋ نىسانى مەن مەرزىمدەرىن بەلگىلەۋ تۋرالى» قاۋلىسىنىڭ كۇشىن جويۋ تۋرالى» تۇركىستان وبلىسى اكىمدىگىنىڭ قاۋلى جوباسى؛
«سۋبسيديالاناتىن وسىمدىكتەردى قورعاۋ قۇرالدارى تۇرلەرىنىڭ تىزبەسى جانە 1 بىرلىككە (ليترگە، كيلوگرامعا، گرامعا، داناعا) ارنالعان سۋبسيديالاردىڭ نورمالارىن بەكىتۋ تۋرالى» تۇركىستان وبلىسى اكىمدىگىنىڭ قاۋلى جوباسى؛
«قازاقستان رەسپۋبليكاسى ۇكىمەتىنىڭ 2018 جىلعى 24 تامىزداعى №516 «قوعامدىق كەڭەس تۋرالى ۇلگىلىك ەرەجەنى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى №1194 قاۋلىسىنا وزگەرىس ەنگىزۋ تۋرالى» قازاقستان رەسپۋبليكاسى ۇكىمەتى قاۋلىسىنىڭ جوباسى تۋرالى قۇجاتتار تالقىعا سالىنىپ، قوعامدىق كەڭەس مۇشەلەرىنىڭ قولداۋمىەن قابىلداندى.
«تۇركىستان وبلىسىنىڭ اكىمشىلىك-اۋماقتىق بىرلىكتەرىن قايتا اتاۋ تۋرالى» جانە «تۇركىستان وبلىسى تۇركىستان قالاسىنىڭ اتاۋى جوق كوشەلەرىنە اتاۋ بەرۋ تۋرالى» وبلىستىق ءماسليحات شەشىمىنىڭ جوباسى دا قولداۋ تاپتى. وسى شەشىمگە سايكەس، تۇركىستان قالاسىنداعى «32-رازەزد» ەلدى مەكەنى قارساقتى ەلدى مەكەنى بولىپ وزگەرتىلسە، «30-رازەزد» ەلدى مەكەنى ەسكى ساۋران دەپ اتالادى. سونىمەن قاتار، تۇركىستان قالاسىنداعى اتى جوق 330 كوشەگە اتاۋلار بەرىلدى. وسىعان سايكەس، وبلىس ورتالىعىندا كۇلتەگىن، قازتۋعان جىراۋ، حانقورعان، التى الاش، ماڭگىلىك ەل، ەلىم-اي، بولات حان، كۇلتوبە جانە وزگە دە كوشەلەر پايدا بولادى.
تۇركىستان وبلىسى اكىمىنىڭ باسپا ءسوز قىزمەتى
