40 جاستاعى گۇلزيرا باۋداربەكوۆانىڭ كەلىن بولىپ تۇسكەننەن بەرى وسىنداي ازاپ كورىپ كەلە جاتقانى تۋرالى بەلگىلى بولدى، دەپ حابارلايدى Stan.kz.
گۇلزيرا باۋداربەكوۆانىڭ ەسىمدى تۋعاننان اقىل-ەسىندە ەرەكشەلىگى بار، مۇگەدەكتىك العان. اتا-اناسىنان جاستاي جەتىم قالعان. وعان قوسا، كۇيەۋى دە مۇگەدەك كورىنەدى.
"گۇلزيرا تۋعاننان اقىل-ەسى كەمىس، ادام بالاسىنا اگرەسسياسى جوق. ەڭبەكقور، جۇمىسقا ءتوزىمدى، ساۋاتى جوق، اقشا ساناي المايدى. كىم نە ايتسا سونى ىستەپ ەرىپ كەتە بەرەدى. اتا-اناسى بالا كەزدە قايتىس بولعان جەتىم قىز. ءوزى سىندى جارىمجان جىگىتپەن باس قوستى، 2 بالانىڭ اناسى"، - دەلىنگەن جەلىدەگى جازبادا.
گۇلزيرانىڭ مۇنداي جاعدايىن ءسىڭىلىسى كورگەن. ارتىنشا ول جابىرلەنۋشى مەن بالالارىن ءوزىنىڭ ۇيىنە الىپ كەتكەن كورىنەدى. وقيعاعا قاتىستى تۇركىستان وبلىسى پوليسيا باسقارماسى تۇسىنىكتەمە بەردى.
“تۇركىستان وبلىسىنىڭ پوليسەيلەرىمەن جەلىگە جاريالانعان جازبا بىردەن نازارعا الىنىپ، ءتيىستى شارالار اتقارىلۋدا. نەگىزى بۇگىنگى كۇنگە دەيىن وتىرار اپب-عا وسى جازباداعى جايت بويىنشا ەشكىم ارىزدانباعان جانە حابارلاما تۇسىرمەگەن. دەسە دە بۇل جايت تو پد باستىعىنىڭ جەكە باقىلاۋىنا الىندى. وتىرار اپب پوليسەيلەرمەن زاڭ اياسىنداعى تەكسەرۋ جۇمىستارىنىڭ بارلىعى ىسكە اسىرىلۋدا. قوسىمشا حابارلايتىن بولامىز”، –دەپ مالىمدەدى وبلىستىق پوليسيا دەپارتامەنتىنىڭ باسپا ءسوز قىزمەتى.
قازىرگى تاڭدا وقيعانىڭ قاي ايماقتا بولعانى تەكسەرىلىپ جاتىر. پوليسيا وقيعاعا قاتىستى شاعىم تۇسپەگەنىن العا تارتادى.
[video width="234" height="426" mp4="https://dalanews.kz/wp-content/uploads/2021/07/220773025_2112796495539248_3507751002659465205_n.mp4"][/video]
بۇگىن كەلىنىنىڭ بەتىنە شانىشقى باسقان باعيلا كارىباي ۆيدەو جاريالادى. ونىڭ سوزىنشە، مۇنداي ارەكەتكە اشۋ ۇستىندە بارعانىن ايتتى.
"كەلىنىمە شانىشقى باسقان كەزدە بايقاماي قالدىم. ىزا-كۇيىكپەن، اشۋلانىپ ىستەدىم. شەشەم گاز پليتانى جۋ دەگەن ەكەن، "نەگە سونى جۋمايسىڭ، جۋا سالمايسىڭ با؟" دەدىم. گاز پليتاعا شانىشقىنى قالاي قىزدىرىپ باسقانىمدى ءوزىم بىلمەي قالدىم. قازاقستان حالقىنان، كورىپ وتىرعان كورەرمەننەن كەشىرىم سۇرايمىن. ەندى مۇنداي قايتالانبايدى"، - دەدى باعيلا كارىباي.
