Túrkistanda kelininiń betin shanyshqymen kúidirgen áiel elden keshirim surady
40 jastaǵy Gúlzira Baýdarbekovanyń kelin bolyp túskennen beri osyndai azap kórip kele jatqany týraly belgili boldy, dep habarlaidy Stan.kz.
Gúlzira Baýdarbekovanyń esimdi týǵannan aqyl-esinde ereksheligi bar, múgedektik alǵan. Ata-anasynan jastai jetim qalǵan. Oǵan qosa, kúieýi de múgedek kórinedi.
"Gúlzira týǵannan aqyl-esi kemis, adam balasyna agressiiasy joq. Eńbekqor, jumysqa tózimdi, saýaty joq, aqsha sanai almaidy. Kim ne aitsa sony istep erip kete beredi. Ata-anasy bala kezde qaitys bolǵan jetim qyz. Ózi syndy jarymjan jigitpen bas qosty, 2 balanyń anasy", - delingen jelidegi jazbada.
Gúlziranyń mundai jaǵdaiyn sińilisi kórgen. Artynsha ol jábirlenýshi men balalaryn óziniń úiine alyp ketken kórinedi. Oqiǵaǵa qatysty Túrkistan oblysy politsiia basqarmasy túsinikteme berdi.
“Túrkistan oblysynyń politseilerimen jelige jariialanǵan jazba birden nazarǵa alynyp, tiisti sharalar atqarylýda. Negizi búgingi kúnge deiin Otyrar APB-ǵa osy jazbadaǵy jait boiynsha eshkim aryzdanbaǵan jáne habarlama túsirmegen. Dese de bul jait TO PD bastyǵynyń jeke baqylaýyna alyndy. Otyrar APB politseilermen zań aiasyndaǵy tekserý jumystarynyń barlyǵy iske asyrylýda. Qosymsha habarlaityn bolamyz”, –dep málimdedi oblystyq politsiia departamentiniń baspasóz qyzmeti.
Qazirgi tańda oqiǵanyń qai aimaqta bolǵany tekserilip jatyr. Politsiia oqiǵaǵa qatysty shaǵym túspegenin alǵa tartady.
[video width="234" height="426" mp4="https://dalanews.kz/wp-content/uploads/2021/07/220773025_2112796495539248_3507751002659465205_n.mp4"][/video]
Búgin kelininiń betine shanyshqy basqan Baǵila Káribai video jariialady. Onyń sózinshe, mundai áreketke ashý ústinde barǵanyn aitty.
"Kelinime shanyshqy basqan kezde baiqamai qaldym. Yza-kúiikpen, ashýlanyp istedim. Sheshem gaz plitany jý degen eken, "nege sony jýmaisyń, jýa salmaisyń ba?" dedim. Gaz plitaǵa shanyshqyny qalai qyzdyryp basqanymdy ózim bilmei qaldym. Qazaqstan halqynan, kórip otyrǵan kórermennen keshirim suraimyn. Endi mundai qaitalanbaidy", - dedi Baǵila Káribai.
