مەملەكەت باسشىسى تۋريزمدٸ دامىتۋدى ەر كەز سايىن العا تارتىپ كەلەدٸ. تٷركٸستان وبلىسى سول باستامادا باستى رٶل اتقارادى دەپ سانالعان. الايدا ناقتى جاعداي تاپسىرمانىڭ قاعاز جٷزٸندە قالىپ, ٸس جٷزٸندە اياقتالماعان جوبا, بوس جاعاجاي, كٷتٸمسٸز ينفراقۇرىلىمدار بەلەڭ الىپ وتىرعانىن ٶڭٸر تٸلشٸسٸ قوجاحمەت كەڭەسباەۆ ۆيدەو دەلەلدەرمەن سيپاتتاپ, مەسەلە كٶتەرەدٸ, دەپ حابارلايدى Dalanews.kz.
Telegram-داعى پرەزيدەنتكە حات ارناسىنا جولدانىپ, كٶتەرٸلگەن ٶزەكتٸ مەسەلە ٶمٸرزاق شٶكەەۆتەن كەيٸنگٸ تٷركٸستان وبلىسىنداعى تاستاۋلى تۋريستٸك نىسانداردىڭ بٷگٸنگٸ جاي-كٷيٸن سيپاتتايدى. مەسەلەن, 7 ملرد تەڭگەدەن استام اقشا بٶلٸنٸپ, تولىعىمەن ٸسكە قوسىلماعان جاعاجايدىڭ ٶزٸ 2022 جىلى بٸر ماۋسىم جۇمىس ٸستەپ, ودان كەيٸن قاراۋسىز قالعان.
"جاعاجاي قالانىڭ بالانسىنا ٶتپەگەن. قازٸرگٸ ۋاقىتتا وسى مەسەلە شەشٸمٸ قاراستىرىلىپ جاتىر. جەكە ينۆەستور تاپتىق. ەندٸ ول ٶز جوباسىن ەكٸمدٸككە ٶتكٸزۋٸ تيٸس, سٶيتٸپ ارى قاراي بۇل رەتتە جۇمىستار جٷرەدٸ. جاعاداي قايتادان 1-1,5 جىلدا قولدانىسقا بەرٸلٸپ قالادى", - دەيدٸ تٷركٸستان قالاسىنىڭ ەكٸمٸ ەزٸمبەك پازىلبەكۇلى.
تٸلشٸنٸڭ ايتۋىنشا, جاعاجايعا اۋىق-اۋىق بٶلٸنگەن قاراجاتتىڭ ەسەبٸ جوق, ياعني بٶلٸنگەن اقشا كٶپ, نەتيجە جوق, ال جاۋاپتىسى انىقتالماعان. مەردٸگەر كومپانيياعا بار بولعانى 1 ملرد تەڭگە ايىپپۇل سالىنىپ, جاعداي سول كٷيٸ قالعان. قازٸر وبلىستىق ەكونوميكالىق تەرگەۋ دەپارتامەنتٸ تەكسەرۋ جٷرگٸزٸپ جاتقان كٶرٸنەدٸ.
سونداي-اق تٸلشٸ ٶمٸرزاق شٶكەەۆ ەكٸم بولىپ تۇرعاندا ٶڭٸردە عاسىردان استام سۋ مۇناراسى دا تاعى بٸر تۋريستٸك نىسان رەتٸندە اشىلعانىن ايتادى. قازٸر ونىڭ دا ەسٸگٸندە قارا قۇلىپ تۇر. قانشاما قاراجات جۇمسالعان بۇل تۋريستٸك نىسان بٷگٸندەرٸ نەگە ٸسكە اسقىسىز بولىپ قالعانى دا بەيمەلٸم.
"بٸز ونى سەنٸمگەرلٸك باسقارۋعا بەرگەنبٸز. ولار جۇمىستى جٷرگٸزە المادى. ەندٸ ونى باسقا كەسٸپكەرگە بەرٸپ, الدا قولدانۋ ٷشٸن تيٸستٸ جۇمىستار اتقارىلادى", - دەيدٸ قالا ەكٸمٸ بۇل رەتتە.
تۋريستٸك جوبالاردىڭ وسىنداي كٷيٸنە قاراپ-اق پرەزيدەنت تاپسىرماسىنا جٷردٸم-باردىم قاراۋشىلىق باسىم ەكەنٸن ايتپاسا دا اڭعارۋعا بولاتىن سەكٸلدٸ.
