تۇركىستان قالاسىندا جىل باسىنان بەرى 872 پاتەر پايدالانۋعا بەرىلگەن. ونىڭ 440-ى - ارەندالىق باسپانالار بولسا، 432ء-سى - كەزەكتە تۇرعان وتباسىلارعا تابىستالعان. بۇل جايىندا تۇركىستان قالالىق تۇرعىن ءۇي قاتىناستارى جانە تۇرعىن ءۇي ينسپەكسياسى ءبولىمىنىڭ باسشىسى تالعات ۇسەنبايەۆ ب ا ق وكىلدەرىمەن وتكەن بريفينگتە مالىمدەدى،- دەپ حابارلايدى Dalanews.kz
«بۇگىنگى تاڭدا تۇركىستان قالاسى بويىنشا 23 370 ازامات تۇرعىن ءۇي كەزەگىندە تۇر. بيىل تۇرعىن ۇيمەن قامتاماسىز ەتۋ ماقساتىندا 944 پاتەرلى 11 تۇرعىن ءۇيدى پايدالانۋعا بەرۋ جوسپارلانعان. جىل سوڭىنا دەيىن قالعان 512 پاتەرلى 6 تۇرعىن ءۇيدىڭ قۇرىلىس جۇمىستارى تولىقتاي اياقتالادى»،- دەدى سپيكەر.
سونىمەن قاتار، بريفينگكە قاتىسقان تۇركىستان وبلىستىق «وتباسى بانك» اق فيليالى ديرەكتورىنىڭ ورىنباسارى داۋرەن مىرزاتايەۆ بيىل شاھاردا «وتباسى بانك» ارقىلى نەسيەلىك جۇيەمەن 2 078 تۇرعىن ءۇيدى بەرىلەتىنىن ايتتى.
تۇركىستان قالاسىندا ورنالاسقان تۇرعىن ۇيلەرگە وتىنىشتەر - تۇركىستان وبلىسى بويىنشا ءۇي كەزەكتە تۇرعان بانك سالىمشىلارىنان قابىلدانادى. ال، شارشى مەتر باعاسى 180 000 مەن 220 000 تەڭگە ارالىعىندا بولماق.
