تٷركٸستان قالاسىندا زامان تالابىنا ساي جاڭا «A.B.L.» فيتنەس ورتالىعى اشىلدى. قۋانىشتى سەتكە وبلىس ەكٸمٸ نۇرالحان كٶشەروۆ قاتىسىپ, جۇرتشىلىقتى قۇتتىقتادى.
– تٷركٸستان – تەك رۋحاني استانا عانا ەمەس, سونىمەن قاتار سپورت ورتالىعىنا اينالىپ كەلە جاتقان ٶڭٸر. مەملەكەت باسشىسى قاسىم-جومارت توقاەۆتىڭ بۇقارالىق سپورتتى دامىتۋ جٶنٸندەگٸ تاپسىرماسىنا سەيكەس, ٶڭٸرٸمٸزدە سپورت ينفراقۇرىلىمىنىڭ حالىققا قولجەتٸمدٸلٸگٸن ارتتىرۋ باعىتىندا ناقتى جۇمىستار اتقارىلۋدا. مەسەلەن, بىلتىر جالپى قۇنى 73 سپورت نىسانىنىڭ قۇرىلىسى اياقتالسا, ال بيىل 54 سپورت نىسانىن پايدالانۋعا بەرۋ جوسپارلانىپ وتىر. ولاردىڭ قاتارىندا ەلٸمٸزدە تەڭدەسٸ جوق ەكٸ ٸرٸ جوبا – يپپودروم مەن ەسكەك ەسۋ كانالى بار. بۇل – سپورتتى دامىتۋعا جەنە ۇلت دەنساۋلىعىن نىعايتۋعا باعىتتالعان مەملەكەتٸمٸزدٸڭ بەرٸك ۇستانىمىنىڭ ايقىن كٶرٸنٸسٸ.
بٸز تەك سپورتتىق نىسانداردى سالىپ قانا قويماي, ولاردىڭ تيٸمدٸ جۇمىس ٸستەۋٸنە جەنە تۇرعىندار ٷشٸن قولجەتٸمدٸ بولۋىنا ەرەكشە مەن بەرٸپ كەلەمٸز. بۇل كەشەن – تٷركٸستان قالاسى تۇرعىندارىنىڭ دەنساۋلىعىن نىعايتىپ, جاستاردىڭ سپورتقا دەگەن قىزىعۋشىلىعىن ارتتىراتىن ماڭىزدى ورىنعا اينالاتىنىنا سەنٸمدٸمٸن, – دەگەن وبلىس ەكٸمٸ قالا تۇرعىندارىن سالاۋاتتى ٶمٸر سالتىن ۇستانۋعا, سپورتپەن جٷيەلٸ تٷردە اينالىسۋعا شاقىردى.
زاماناۋي تالاپتارعا ساي سالىنعان فيتنەس ورتالىعىندا سپورتپەن شۇعىلدانۋعا, سالاماتتى ٶمٸر سالتىن ۇستانۋعا بارلىق جاعداي جاسالعان. جاتتىعۋ زالدارى, ۆولەيبول جەنە جەكپە-جەك زالى بار. سونىمەن بٸرگە باسسەين جەنە ٶزگە دە دەنە شىنىقتىرۋعا قاجەتتٸ قۇرىلعىلارمەن, بٶلمەلەرمەن قامتىلعان.
