تٷركٸستاندا بەينەباقىلاۋ كامەرالارىن ەدەيٸ بٷلدٸرگەن ەكٸ كٷدٸكتٸ ۇستالدى, دەپ حابارلايدى Dalanews.kz.
قىلمىس بەينەباقىلاۋ جٷيەلەرٸنٸڭ كٶمەگٸمەن اشىلعان. وقيعا قالا كٶشەلەرٸنٸڭ بٸرٸندە تٸركەلگەن. بەلگٸسٸز ەكٸ ادام 4 كامەرانى قاساقانا سىندىرعان. سالدارىنان 700 مىڭ تەڭگەدەن اسا ماتەريالدىق شىعىن كەلگەن.
تەرگەۋ بارىسىندا وقيعا تٷنگٸ ساعات 01:00 شاماسىندا بولعانى انىقتالدى. بەتتەرٸن ماسكامەن جاسىرعان ەكٸ جٸگٸت ۇزىن اعاشپەن كامەرالاردى ٸستەن شىعارعان. پوليتسەيلەر قىلمىستى اشۋ كەزٸندە جاقىن ماڭداعى بەينەباقىلاۋ جٷيەلەرٸنٸڭ جازبالارىن مۇقييات زەردەلەگەن.
نەتيجەسٸندە كٷدٸكتٸلەردٸڭ قوزعالىس باعىتى انىقتالىپ, جەدەل ٸزدەستٸرۋ شارالارى ارقىلى قولعا تٷستٸ.
"بۇل وقيعاعا قاتىستى بٶتەننٸڭ مٷلكٸن قاساقانا جويۋ نەمەسە بٷلدٸرۋ دەرەگٸ بويىنشا قىلمىستىق ٸس قوزعالىپ, سوتقا دەيٸنگٸ تەرگەۋ جٷرگٸزٸلٸپ جاتىر. الدىن الا مەلٸمەتكە سەيكەس كٷدٸكتٸلەر جول ەرەجەسٸن بۇزعانى ٷشٸن سالىنعان ايىپپۇلعا اشۋلانىپ, وسى ەرەكەتكە بارعانىن مويىنداعان", - دەدٸ ٸٸم ٶكٸلٸ.
