– جاڭادان سالىنعان «Turkistan Arena» الاڭىندا العاش رەت وسىنداي ٸرٸ ويىن ٶتۋدە. بٸز ٷشٸن بۇل ٷلكەن مەرتەبە. تٷركٸستان وبلىسىنىڭ نامىسىن بايراقتى بەسەكەدە قورعايتىن «تۇران» كومانداسى جاساقتالدى. جەرگٸلٸكتٸ ٷزدٸك فۋتبولشىلاردان قۇرالعان كوماندا جاسىل الاڭدا جەڭٸسكە جەتەتٸنٸنە كەمٸل سەنەمٸن. وبلىستا جاسٶسپٸرٸمدەردٸ وسى سپورت تٷرٸنە كەسٸبي تٷردە باۋليتىن فۋتبول مەكتەبٸ جۇمىس جاساۋدا.
قۇرمەتتٸ كوماندالار, بيىلعى سۋپەركۋبوك ويىندارىنىڭ ۇلىستىڭ ۇلى كٷنٸ ناۋرىز مەرەكەسٸمەن قاتار كەلۋٸ تٷركٸستان قالاسىنىڭ تٶرٸندە ٶنەر كٶرسەتۋٸ ٷلكەن جاۋاپكەرشٸلٸكتٸ تالاپ ەتەدٸ. تٷركٸ جۇرتى كٶز تٸككەن قاسيەتتٸ شاھارعا باسقان قادامدارىڭىز قۇت بولسىن», – دەدٸ وبلىس ەكٸمٸ ٶز سٶزٸندە.
كٷنٸ كەشە ەلوردانىڭ «استانا» فۋتبول كلۋبى مەن قاراعاندىنىڭ «شاحتەر» كومانداسى اقتىق سىنعا جولداما ٷشٸن تالاسقان بولاتىن. نەتيجەسٸندە استانالىقتار 2:0 ەسەبٸمەن جەڭٸسكە جەتٸپ, سۋپەركۋبوك فينالىنا جولداما الدى.
بٷگٸندە جاسىل الاڭدا الماتىلىق «قايرات» پەن قوستانايلىق «توبىل» كەزدەسٸپ, تارتىستى ويىن ٶتكٸزدٸ. ويىننىڭ نەگٸزگٸ ۋاقىتىندا ويىن 3:3 ەسەبٸمەن تەڭ اياقتالدى. پەنالتي سەريياسىندا قوستانايلىق «توبىل» كومانداسىنىڭ جولى بولىپ, 4:2 ەسەبٸمەن جەڭٸسكە جەتتٸ. ەستەرٸڭٸزگە سالا كەتسەك, 5 ناۋرىز كٷنٸ ٷشٸنشٸ ورىن ٷشٸن قاراعاندىنىڭ «شاحتەرٸ» مەن الماتىنىڭ «قايرات» كومانداسى تالاسادى. ال, 6 ناۋرىز كٷنٸ سۋپەركۋبوك ٷشٸن اقتىق بەسەكەدە ەلوردالىق «استانا» كومانداسى مەن قوستانايدىڭ «توبىلى» تارتىسقا تولى ويىندى ٶتكٸزەتٸن بولادى. بارلىق ماتچتار كٶرەرمەندەرسٸز ٶتەدٸ. تۋرنيردٸڭ جٷلدە قورى 42 ملن تەڭگەنٸ قۇرايدى. تۋرنير جەڭٸمپازى 25 ملن تەڭگەگە يە بولادى.
