باسقوسۋدىڭ ماقساتى – تۇركىستان وبلىسى اۋماعىندا قوعامدىق-ساياسي جانە ەتنوسارالىق تۇراقتىلىقتى قامتاماسىز ەتۋ، ۇلتىنا، تىلىنە قاراماستان حالىقتىڭ بىر-بىرىنە دەگەن قۇرمەتىن، دوستىق كوزقاراسىن قالىپتاستىرۋ. جيىنعا اۋداندىق جانە قالالىق قوعامدىق كەلىسىم كەڭەسىنىڭ ءتوراعالارى مەن مۇشەلەرى، ءتۇرلى ەتنوس وكىلدەرى قاتىستى.
سەميناردى تۇركىستان وبلىسى قوعامدىق دامۋ باسقارماسىنىڭ ءبولىم باسشىسى ەرلان كەرىمبەكوۆ اشىپ، جۇرگىزىپ وتىردى. كەزدەسۋدە تۇركىستان وبلىستىق قحا جانىنداعى قوعامدىق كەلىسىم كەڭەسىنىڭ ءتوراعاسى سوزاقباي ءابدىقۇلوۆ، ءوقمپۋ-نىڭ «رۋحاني جاڭعىرۋ» جانە تاربيە ءبولىمى باسشىسى، تاريح عىلىمدارىنىڭ كانديداتى قايرات اناربايەۆ، ءوقمپۋ-نىڭ «ماركەتينگ جانە مانساپ» دەپارتامەنتىنىڭ باسشىسى زاڭگەر-عالىم، قازاقستان زاڭگەرلەر وداعىنىڭ مۇشەسى عالىمجان بيتۇرسىن، تۇركىستان وبلىستىق قازاقستان حالقى اسسامبلەياسى جانىنداعى انالار كەڭەسىنىڭ ءتورايىمى گۇلسارا توققۇلوۆا بايانداما جاسادى.
«ەتنوستار اراسىندا كەلەڭسىزدىككە جول بەرمەۋ - بارشامىزعا زور جاۋاپكەرشىلىك جۇكتەيدى. تۇراقتىلىق بولماعان جەردە دامۋ دا بولمايدى. بۇل باعىتتا قازاقستان حالقى اسسامبلەياسىنىڭ قۇرىلىمدارىنا، ونىڭ مۇشەلەرىنە ارتىلعان سەنىم جۇگى جوعارى. ءبىز بىرلەسە اتقارعان جۇمىستار ارقىلى ازاماتتارىمىزدىڭ تاتۋلىعى مەن بىرلىگىن، قوعامنىڭ قاۋىپسىزدىگى مەن تىنىشتىعىن قامتاماسىز ەتە الامىز»، - دەدى سوزاقباي يسا ۇلى.
جيىن سوڭىندا قوعامدىق قىزمەتتە بەلسەندىلىك تانىتىپ، ءوز ۇلەستەرىن قوسىپ جۇرگەن ءبىرقاتار اۋداندىق جانە قالالىق قوعامدىق كەلىسىم كەڭەسىنىڭ ءتوراعالارى مەن انالار كەڭەسىنىڭ ءتورايىمدارى باسقارما باسشىسىنىڭ العىس حاتىمەن ماراپاتتالدى.
