Basqosýdyń maqsaty – Túrkistan oblysy aýmaǵynda qoǵamdyq-saiasi jáne etnosaralyq turaqtylyqty qamtamasyz etý, ultyna, tiline qaramastan halyqtyń bir-birine degen qurmetin, dostyq kózqarasyn qalyptastyrý. Jiynǵa aýdandyq jáne qalalyq Qoǵamdyq kelisim keńesiniń tóraǵalary men músheleri, túrli etnos ókilderi qatysty.
Seminardy Túrkistan oblysy qoǵamdyq damý basqarmasynyń bólim basshysy Erlan Kerimbekov ashyp, júrgizip otyrdy. Kezdesýde Túrkistan oblystyq QHA janyndaǵy Qoǵamdyq kelisim keńesiniń tóraǵasy Sozaqbai Ábdiqulov, OQMPÝ-niń «Rýhani jańǵyrý» jáne tárbie bólimi basshysy, tarih ǵylymdarynyń kandidaty Qairat Anarbaev, OQMPÝ-niń «Marketing jáne mansap» departamentiniń basshysy zańger-ǵalym, Qazaqstan zańgerler odaǵynyń múshesi Ǵalymjan Bitursyn, Túrkistan oblystyq Qazaqstan halqy Assambleiasy janyndaǵy Analar keńesiniń tóraiymy Gúlsara Toqqulova baiandama jasady.
Jiyn sońynda qoǵamdyq qyzmette belsendilik tanytyp, óz úlesterin qosyp júrgen birqatar aýdandyq jáne qalalyq Qoǵamdyq kelisim keńesiniń tóraǵalary men Analar keńesiniń tóraiymdary basqarma basshysynyń Alǵys hatymen marapattaldy.
