«Farab» كىتاپحاناسىندا وتكەن سالتاناتتى جيىندا LED ەكران ارقىلى ەلباسى نۇرسۇلتان نازاربايەۆتىڭ «ەلدىكتىڭ جەتى تۇعىرى» اتتى قاعيداتى تۋرالى دەرەكتى تۋىندى كورسەتىلدى. تۇركىستان وبلىسى اكىمىنىڭ ورىنباسارى راشيد ايۋپوۆ جۇرتشىلىقتى مەرەكەمەن قۇتتىقتادى.
– بيىل تاۋەلسىزدىك العانىمىزعا 30 جىل تولىپ وتىر. مەملەكەتىمىزدى دامىتۋدا ەلباسىمىزدىڭ ەڭبەگى ەرەن. قاسىمىزدا الپاۋىت دەرجاۆالار تۇر. سولارمەن كەلىسىپ ەلىمىزدىڭ شەكاراسىن بەكىتۋ دەگەن ۇلكەن جۇمىس. تاۋەلسىزدىكتىڭ ارقاسىندا ءتىلىمىز، ءدىنىمىز، مادەنيەتىمىز تۇعىرىنا قوندى. تاۋەلسىزدىكتى جاريالاۋمەن ماسەلە شەشىلمەيدى. ونى ساقتاۋ قاجەت. الەمدە 5 مىڭداي ءتىل، ياعني، 5 مىڭ ۇلت بار. سولاردىڭ نەبارى 200-دەن استامىندا عانا مەمەكەت بار. سوندىقتان تۇراقتىلىقتى ساقتاۋدا، ەلدىڭ قاۋىپسىزدىگىن قامتاماسىز ەتۋدەگى ەلباسى ەڭبەگى ايتىلۋى ءتيىس. تۇڭعىش پرەزيدەنتتىڭ تىكەلەي قولداۋىمەن تۇركىستانىمىز قالاي وزگەرگەنىن قوعام كورىپ-بىلىپ وتىر، – دەگەن ول ەڭبەگىمەن دارالانعان ءبىر توپ ازاماتتى تۇركىستان وبلىسى اكىمىنىڭ العىسحاتىمەن ماراپاتتادى. ولاردىڭ اراسىندا مەديسينا، مەملەكەتتىك قىزمەت، قۇقىق قورعاۋ، سپورت، كاسىپكەرلىك جانە وزگە دە سالالاردىڭ وكىلدەرى بار.
جيىندا تۇركىستان وبلىستىق اقساقالدار القاسىنىڭ ءتوراعاسى جارىلقاسىن ازىرەتبەرگەنوۆ قۇتتىقتاۋ ءسوز سويلەپ، ەلباسىنىڭ تاۋەلسىزدىگىمىزدى نىعايتۋ باعىتىنداعى ەڭبەكتەرى تۋرالى باياندادى. كەنتاۋ قالاسىنداعى №16 يۋ.گاگارين اتىنداعى مەكتەبىنىڭ اعىلشىن ءتىلى ءمۇعالىمى ەلەنا سترەبكوۆا دا بۇل كۇننىڭ ماڭىزدىلىعىنا توقتالىپ، مەملەكەتتىك ءتىل ەلدى بىرىكتىرۋشى كۇش ەكەنىن اتاپ ءوتتى.
مەرەكەلىك ءىس-شارادا تۇركىستان وبلىسىنىڭ تانىمال انشىلەرى مەن ونەر ۇجىمدارى كونسەرتتىك باعدارلاماسىن ۇسىنىپ، وتانشىلدىقتى دارىپتەيتىن اندەر شىرقالدى.
