اشىلۋ سالتاناتىندا «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى بەيسەن تاجىبايەۆ ءتول ونەردى ۇلىقتاپ جۇرگەن ءداستۇرلى انشىلەر سەمينارىنا قاتىسۋشىلارعا ساتتىلىك تىلەدى. سونداي-اق، وبلىستىق مادەنيەت باسقارماسىنىڭ باسشىسى ءازىمحان قويلىبايەۆ شارانىڭ نەگىزگى ماقساتىن ءتۇسىندىرىپ، ماڭىزدىلىعىنا كەڭىنەن توقتالدى.
ەكى كۇنگە جوسپارلانعان سەمينار ارنايى ادىستەمەلىك باعدارلاماعا ساي وتكىزىلدى. نەگىزگى ماقسات – وڭتۇستىكتىڭ ءداستۇرلى ورىنداۋ مەكتەبىن ياعني تەرمە، كۇيلەرىن وسكەلەڭ ۇرپاققا كەڭىنەن دارىپتەپ، تاجىريبە الماسۋ، وبلىس كولەمىندە وڭىرلىك مۋزىكا مەكتەبىنىڭ ۇيىرمەلەرىن اشۋ.
سەمينارعا ەلىمىزدىڭ تانىمال مۋزىكا زەرتتەۋشىلەرى، ءداستۇرلى مۋزىكا وكىلدەرى مەن تۇركىستان وبلىسىنا قاراستى اۋدان-قالالارداعى مادەنيەت وشاقتارىنىڭ ماماندارى قاتىستى.
باسقوسۋدا ق ر ەڭبەك سىڭىرگەن قايراتكەرى، ارقا انشىلىك مەكتەبىنىڭ جالعاستىرۋشىسى ەرلان رىسقالي مەن ق ر ەڭبەك سىڭىرگەن قايراتكەرى، «قۇرمەت» وردەنىنىڭ يەگەرى، باتىس قازاقستان ءوڭىرى انشىلىك مەكتەبىنىڭ وكىلى ايگۇل قوسانوۆا، سونداي-اق اقىن، سازگەر، تەرمەشى، ءداستۇرلى انشىلەر مەن جىراۋلار ءوز ويلارىن ورتاعا سالدى.
