شاراعا الەمنىڭ تۇركيا، جۇڭگو، جاپونيا جانە وڭتۇستىك كورەيا سياقتى دامىعان ەلدەرى قاتىساتىن بولادى. بۇل تۋرالى بۇگىن وبلىس اكىمىنىڭ ورىنباسارى ەربول تاسجۇرەكوۆ «وڭتۇستىك» باسپا ءسوز كلۋبىندا وتكەن بريفينگتە مالىمدەدى.
ونىڭ سوزىنشە، تۇڭعىش رەت وتكىزىلگەلى وتىرعان حالىقارالىق دەڭگەيدەگى شارا ايماق ەكونوميكاسىنىڭ پەرسپەكتيۆاسى جوعارى باعىتتارىندا ينۆەستيسيالىق جوبالاردى جۇزەگە اسىرۋ مەن قىزمەتتەستىكتى ودان ءارى كەڭەيتۋ ارقىلى ءوڭىرىمىزدىڭ ينۆەستيسيالىق الەۋەتىن كوتەرەۋگە باعىتتالعان.
– فورۋمنىڭ نەگىزگى ماقساتى – حالىقارالىق ۇيىمدار مەن ساراپشىلاردىڭ قاتىسۋىمەن جىل سايىن وتەتىن نەتۆوركينگكە ارنالعان حالىقارالىق الاڭىن قۇرۋ، ينۆەستيسيالىق جوبالاردى جۇزەگە اسىراتىن شەتەلدىك ينۆەستورلاردى تارتۋ جانە ساۋدا-ەكونوميكالىق ىنتىماقتاستىقتى دامىتۋ. سونداي-اق، تۋريزم – ءوڭىردىڭ دامۋىندا جانە ينۆەستيسيا تارتۋدا ەڭ باستى جانە ماڭىزدى باعىتتاردىڭ ءبىرى ەكەنى بەلگىلى. ياعني، ينۆەستيسيانىڭ باسىم بولىگى وسى پەرسپەكتيۆالى سالاعا باعىتتالاتىن بولادى. ناتيجەسىندە وبلىسىمىزعا كەلەتىن تۋريستەر سانى ەسەلەپ ارتاتىن بولادى دەگەن ءسوز. ايتا كەتەرلىگى، ءقازىردىڭ وزىندە شاراعا قاتىسۋعا شەتەلدىك ينۆەستورلار ۇلكەن قىزىعۋشىلىق تانىتىپ وتىر، – دەدى ەربول قۋانىش ۇلى.
سونىمەن قاتار، وبلىس اكىمىنىڭ ورىنباسارى وڭىردەگى اۋىلشارۋاشىلىعى سالاسىنا بايلانىستى جىلىجاي كەشەندەرى، قارقىندى باقشالار مەن اگروپاركتەر، سونداي-اق، ماشينا جاساۋ، جەڭىل ونەركاسىپ پەن ينفراقۇرىلىم باعىتتارىنا ينۆەستيسيا تارتۋ جۇمىستارى اتقارىلاتىنىن جەتكىزدى. اسىرەسە، ينۆەستورلار وڭىرىمىزدەگى كەن ورىندارى مەن ونەركاسىپتەردى يگەرۋ بويىنشا جاڭارتىلاتىن ەنەرگيا جوبالارىنا قىزىعۋشىلىق تانىتۋدا. ءىس-شاراعا كەلەتىن قوناقتاردىڭ بارلىعىمەن الدىن-الا كەلىسسوزدەر جۇرگىزىلگەن، ءار كومپانيا ينۆەستيسيالىق جوبالاردى ىسكە اسىرۋدا ءساتتى تاجىريبەگە يە جانە ءوز سالاسىنىڭ كوشباسشىسى بولىپ تابىلادى.
فورۋم بارىسىندا لوگيستيكا، تۋريزم جانە اگروونەركاسىپتىك كەشەنگە قاتىستى ماسەلەلەر قارالاتىن بولادى. جالپى ينۆەستيسيالىق باعىت بويىنشا 250 استام قوناقتاردىڭ كەلۋى كۇتىلۋدە. ءىس-شارانىڭ شەتەلدىك قاتىسۋشىلارىنىڭ باسىم بولىگىن ەۋروپالىق وداق كومپانيالارى قۇرايدى. ولاردىڭ قاتارىندا جەكە ينۆەستورلار، حالىقارالىق ترانسۇلتتىق كومپانيالاردىڭ وكىلدەرى، ينۆەستيسيالىق قورلار، قىرجى ينستيتۋتتارى مەن بانك باسشىلارى.
ايتا كەتەيىك، 2017 جىلى تۇركىستان قالاسىنا 1،2 ملن. تۋريست كەلسە، 2018 جىلدىڭ ءبىرىنشى جارتىجىلدىعىندا 700 مىڭنان استام شەتەلدىك قوناق بولعان. بۇل وتكەن جىلدىڭ ءتيىستى كەزەڭىمەن سالىستىرعاندا 60 پايىزعا ارتقان.
تۇركىستان وبلىسى اكىمىنىڭ باسپا ءسوز قىزمەتى
