تٷركٸستان وبلىسىندا رەزونانس تۋدىرعان وقيعاعا قاتىستى ٸشكٸ ٸستەر مينيسترلٸگٸ جاڭا مەلٸمەت جارييالادى, دەپ حابارلايدى Dalanews.kz.
ٸشكٸ ٸستەر مينيسترٸنٸڭ ورىنباسارى سانجار ەدٸلوۆتٸڭ ايتۋىنشا, قىلمىستىق ٸس قوزعالىپ, كٷدٸكتٸ قاماۋعا الىندى.
“اتالعان فاكت بويىنشا قىلمىستىق ٸس قوزعالدى. كٷدٸكتٸ قاماۋعا الىندى. تەرگەۋ جٷرٸپ جاتىر. ول كٸسٸنٸڭ ەيەلٸنٸڭ ٷستٸنەن دە قىلمىستىق ٸس قوزعالدى. وعان دا قاتىستى تەرگەۋ امالدارى جٷرٸپ جاتىر. تەرگەۋ ۋاقىتىندا ولاردىڭ بالالارى تۋىستارىنىڭ قولىندا تۇرىپ جاتىر. قازٸر تەرگەۋ امالدارىن قاداعالاپ وتىرمىز. تولىق تەرگەۋ جٷرگٸزٸلٸپ, قىلمىستىق ٸس سوتقا جولدانادى”, – دەيدٸ ٸٸم ورىنباسارى.
ەسكە سالايىق, ەلەۋمەتتٸك جەلٸدە تٷركٸستان وبلىسى شاردارا اۋدانىندا قارتايعان ەكەسٸن بالاسى اياۋسىز سوققىعا جىققانى تٷسٸرٸلگەن ۆيدەو تاراعان بولاتىن.
كادردان بالاسى مەن كەلٸنٸ سٶيلەي المايتىن, ٶزدٸگٸنەن جٷرٸپ-تۇرا المايتىن قارييانى كٶشەدە جەنە ٷي اۋلاسىندا سٷيرەپ جٷرگەنٸن كٶرۋگە بولادى. ۇلى ەكەسٸن بالاعاتتاپ, جٷرە الماعانى ٷشٸن بٸرنەشە رەت ۇرىپ-سوققان. سوققىدان قارييانىڭ اۋزىنان قان كەتكەنٸ بايقالادى. بٸراق قارييا ەش قارسىلىق بٸلدٸرمەيدٸ, ال كەلٸنٸ اراشا تٷسپەيدٸ.
جەلٸدە بۇل جاعداي قىزۋ تالقىلانىپ, ٷلكەن رەزونانس تۋدىردى.
ايتا كەتەيٸك, بۇعان دەيٸن تٷركٸستان وبلىسى شاردارا اۋدانىندا ەكەسٸن قان-جوسا ەتٸپ ساباعان ەر ادامعا قاتىستى تىڭ دەرەك شىققان ەدٸ.
ەلەۋمەتتٸك جەلٸدە ەر ادام جەرگٸلٸكتٸ مەشٸت ازانشىسى بولىپ قىزمەت ەتەتٸنٸ حابارلانعان بولاتىن.
الايدا تٷركٸستان وبلىسىنىڭ باس يمامى ەرجان تٶلەپوۆتٸڭ سٶزٸنشە, ەر ادام قازاقستان مۇسىلماندارى دٸني باسقارماسىنىڭ دٸن قىزمەتكەرٸ ەمەس;
"ول مەشٸتتە ەشقاشان ازان ايتپاعان جەنە رەسمي دٸني قىزمەت اتقارماعان. ونىڭ قىزمەتٸ دٸن سالاسىنا قاتىسى جوق, قوسىمشا توي جٷرگٸزۋشٸ (تامادا)", - دەيدٸ تٶلەپوۆ.
قازاقستان مۇسىلماندارى دٸني باسقارماسى مۇنداي ەرەكەتتەردٸ قاتاڭ ايىپتايدى. سونىمەن بٸرگە, اتا-اناعا قۇرمەت – ەربٸر مۇسىلماننىڭ باستى مٸندەتٸ ەكەنٸن قالىڭ جۇرتشىلىقتىڭ ەسٸنە سالادى.
