شومىلۋ ماۋسىمى باستالعالى تٷركٸستان وبلىسىنا قاراستى جاعاجاي اۋماقتارىندا قاۋٸپسٸزدٸك جەنە تازالىق شارالارى كٷشە تٷستٸ. شارداراداعى جاعاجايدا وسىعان دەيٸن انىقتالعان كەمشٸلٸكتەر بويىنشا ناقتى جۇمىستار جٷرگٸزٸلٸپ, دەمالۋشىلارعا قولايلى جاعداي جاسالدى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
بٷگٸن تٷركٸستان وبلىسى ەكٸمٸ نۇرالحان كٶشەروۆ «شاردارا» سۋ قويماسىنىڭ جاعالاۋىندا ورنالاسقان بٸرقاتار دەمالىس ورىندارىن كەزەكتٸ رەت ارالاپ, تازالىعى پەن قاۋٸپسٸزدٸگٸن, ٶتكەن ساپاردا بەرٸلگەن تاپسىرمالارىنىڭ ورىندالۋ بارىسىن باقىلادى. وبلىس باسشىسى جاعاجايلارعا جاۋاپتى تۇلعالارمەن, كەسٸپكەرلەرمەن جٷزدەسٸپ, مۇندا سانيتارلىق تازالىق شارالارىن كٷندەلٸكتٸ ۇقىپتى ورىنداۋدى تاپسىردى.
– تازالىق پەن قاۋٸپسٸزدٸك – تۋريزمدٸ دامىتۋدىڭ بٸر تەتٸگٸ. دەمالۋشىلارعا, ساياحاتشىلارعا قولايلى جاعداي جاسالۋى كەرەك. بۇل باعىتتاعى جۇمىستار جالعاسادى, – دەدٸ نۇرالحان كٶشەروۆ.
شارداراداعى جاعاجايلار رەتكە كەلتٸرٸلگەن. مونيتورينگ جۇمىستارى تۇراقتى جٷرگٸزٸلٸپ, پوليتسييا قىزمەتكەرلەرٸ تاراپىنان قاۋٸپسٸزدٸك تالاپتارى قاتاڭ قاداعالانۋدا. تەكسەرۋ بارىسىندا 409 سەكٸنٸڭ 171-ٸ تالاپقا ساي بولماعاندىقتان الىنىپ تاستالدى. قالعان 238 سەكٸ سۋ جاعاسىنان 50 مەترگە جىلجىتىلدى.
بٷگٸندە مۇندا 6 بيوەجەتحانا, 160 قوقىس جەشٸگٸ, جەنە 10 كيٸنۋگە ارنالعان كابينا ورناتىلدى. تازالىق جۇمىستارىنا 11 تەحنيكا, 80 جۇمىسشى جۇمىلدىرىلعان.
سونىمەن قاتار جاعالاۋلاردىڭ تٷبٸن تازالاۋ جۇمىستارى اتقارىلدى. ورمان شارۋاشىلىعىمەن 5 كەلٸسٸمشارت توقتاتىلدى, پوليتسييا قىزمەتكەرلەرٸ تاراپىنان 196 قۇقىقبۇزۋشىلىق انىقتالىپ, جالپى 36 حاتتاما تولتىرىلىپ, تيٸستٸ ايىپپۇلدار سالىندى. 1 دەمالىس ورنىنا تەكسەرۋ جٷرگٸزٸلٸپ, تالاپتى بۇزعانى ٷشٸن سوتقا ماتەريال جولداندى. كەسٸپكەرلەر دە زاڭ شەڭبەرٸندە جاۋاپكەرشٸلٸككە تارتىلعان.
قازٸرگٸ ۋاقىتتا جاعاجاي اۋماعىنا 16 قۇتقارۋشى بەكٸتٸلٸپ, قالقىمالى قاۋٸپسٸزدٸك بەلگٸلەرٸ ورناتىلعان. جالپى سۋ قويماسىنىڭ كٶلەمٸ 5,2 ملرد. تەكشە مەتر. ال ۇزىندىعى 80 شاقىرىمدى قۇرايدى.
ن.كٶشەروۆ جاۋاپتىلارعا قولدا بار مٷمكٸندٸكتەردٸ پايدالانا وتىرىپ, دەمالۋشىلارعا قولايلى جاعداي جاساۋدى مٸندەتتەدٸ. شومىلۋ ماۋسىمىن ويداعىداي اتقارۋدى تاپسىردى.
ايتا كەتەيٸك, تٷركٸستان وبلىسىنا كەلۋشٸ ساياحاتشىلار سانى جىل سايىن ارتىپ كەلەدٸ. بيىلعى 5 ايدا تٷركٸستان ٶڭٸرٸندەگٸ تاريحي ورىندارعا 424 مىڭ ادام ساياحاتتاپ, ٶتكەن جىلدىڭ تيٸستٸ كەزەڭٸمەن سالىستىرعاندا 9 پايىزعا ارتقان. تابيعي اۋماقتارعا ساياحاتتاۋشىلار سانى 58 مىڭعا جۋىقتاپ, ٶتكەن جىلدىڭ وسى كەزەڭٸمەن سالىستىرعاندا 2 ەسەگە كٶبەيگەن. «E-qonaq» جٷيەسٸندەگٸ دەرەكتەرگە سەيكەس, بيىلعى 5 ايدا تٷركٸستان وبلىسىنا 18699 شەتەلدٸك تۋريست كەلگەن. بۇل – ٶتكەن جىلدىڭ تيٸستٸ كەزەڭٸنە قاراعاندا 2 ەسە كٶپ. ەسٸرەسە, ٶزبەكستان, تٷركييا, رەسەي, قىتاي, قىرعىزستان ەلدەرٸنەن ساياحاتشىلار كٶپ كەلگەن.
