تٷركٸستان ٶڭٸرٸ ەت ەكسپورتىنىڭ كٶلەمٸن ارتتىرا تٷسپەك
سىيىمدىلىعى 176 430 باستى قۇرايتىن شاعىن 10-15 باستىق 14 مىڭنان استام مال بورداقىلاۋ الاڭدارى بار.
مۇنان بٶلەك, سىيىمدىلىعى 18 000 باستى قۇرايتىن 1000 باستان باستالاتىن 8 بورداقىلاۋ الاڭى بار. جالپى, بارلىق مال بورداقىلاۋ الاڭدارىنىڭ سىيىمدىلىعى 194 430 باستى قۇرايدى.
بٷگٸنگٸ كٷنٸ جالپى 7 مىڭ توننا ٸرٸ قارا مال ەتٸ يران مەن ٶزبەكستان ەلدەرٸنە ەكسپورتتالدى. سىيىمدىلىعى 5 مىڭ باستىق ٸرٸ قارا مالدى بورداقىلاۋ الاڭى, «قايىپ اتا» جشس-ٸ بٷگٸنگٸ كٷنٸ رەسپۋبليكا بويىنشا ەڭ ٷلكەن كٶلەمدەگٸ مال ەتٸن ەكسپورتتاۋشى بولىپ تابىلادى. ەت ٶندٸرۋ قۋاتتىلىعى جىلىنا 4 مىڭ توننا.
ايتا كەتەلٸك, بۇدان بۇرىن تٷركٸستانعا ات باسىن بۇرعان قر پرەمەر-مينيسترٸنٸڭ ورىنباسارى – اۋىل شارۋاشىلىعى مينيسترٸ ٶمٸرزاق شٶكەەۆ ەلباسى جولداۋىن ٸسكە اسىرۋدا تٷركٸستان وبلىسىندا قارقىندى باۋ شارۋاشىلىعىن دامىتىپ, ٶڭٸرٸمٸزدٸڭ ەربٸر اۋدانىندا ٸرٸ مال بورداقىلاۋ الاڭدارىن سالۋدى تاپسىرعان بولاتىن.
شٶكەەۆ ٶز سٶزٸندە مەملەكەت باسشىنىڭ اۋىل شارۋاشىلىعى ٶنٸمٸنٸڭ ەكسپورتىن 2022 جىلعا قاراي 2,5 ەسە كٶبەيتۋ تۋرالى تاپسىرما بەرگەنٸن ايتىپ, اگروٶنەركەسٸپ كەشەنٸندە اتالعان تاپسىرماعا قول جەتكٸزۋ ٷشٸن سالانى ەرتاراپتاندىرۋ, ونىڭ ٸشٸندە مال شارۋاشىلىعىن دامىتۋدىڭ الاتىن ورنى ەرەكشە ەكەنٸن اتاپ ٶتكەن ەدٸ.
