Syıymdylyǵy 176 430 basty quraıtyn shaǵyn 10-15 bastyq 14 myńnan astam mal bordaqylaý alańdary bar.
Munan bólek, syıymdylyǵy 18 000 basty quraıtyn 1000 bastan bastalatyn 8 bordaqylaý alańy bar. Jalpy, barlyq mal bordaqylaý alańdarynyń syıymdylyǵy 194 430 basty quraıdy.
Búgingi kúni jalpy 7 myń tonna iri qara mal eti Iran men Ózbekstan elderine eksporttaldy. Syıymdylyǵy 5 myń bastyq iri qara maldy bordaqylaý alańy, «Qaıyp ata» JSHS-i búgingi kúni Respýblıka boıynsha eń úlken kólemdegi mal etin eksporttaýshy bolyp tabylady. Et óndirý qýattylyǵy jylyna 4 myń tonna.
Aıta ketelik, budan buryn Túrkistanǵa at basyn burǵan QR Premer-Mınıstriniń orynbasary – Aýyl sharýashylyǵy mınıstri Ómirzaq Shókeev Elbasy Joldaýyn iske asyrýda Túrkistan oblysynda qarqyndy baý sharýashylyǵyn damytyp, óńirimizdiń árbir aýdanynda iri mal bordaqylaý alańdaryn salýdy tapsyrǵan bolatyn.
Shókeev óz sózinde Memleket basshynyń aýyl sharýashylyǵy óniminiń eksportyn 2022 jylǵa qaraı 2,5 ese kóbeıtý týraly tapsyrma bergenin aıtyp, agroónerkásip kesheninde atalǵan tapsyrmaǵa qol jetkizý úshin salany ártaraptandyrý, onyń ishinde mal sharýashylyǵyn damytýdyń alatyn orny erekshe ekenin atap ótken edi.
