تجم قۇتقارۋشىلارى تەڭٸز دەڭگەيٸنەن 2400 مەتر بيٸكتە قۇتقارۋ وپەراتسيياسىن جٷرگٸزدٸ, دەپ حابارلايدى dalanews.kz.
وپەراتسييا تٶلەبي اۋدانىنداعى اقسۋ-جاباعىلى مەملەكەتتٸك تابيعي قورىعى اۋماعىندا ورنالاسقان, تەڭٸز دەڭگەيٸنەن 2400 مەتر بيٸكتەگٸ شٷنكٸلدەك اسۋىندا ٶتتٸ. بۇل وقيعا تۋرالى حابارلاما ەر ادامنان تٷسكەن.
ول تاۋلى ايماقتا بٸرگە بولعان دوسىنىڭ دەنساۋلىعى كٷرت ناشارلاپ, قايتىس بولعانىن حابارلاعان. ٶزٸ دە جاعدايى ناشارلاۋىنا بايلانىستى تاۋدان ٶزدٸگٸنەن تٷسە الماي, قۇتقارۋشىلاردىڭ كٶمەگٸنە مۇقتاج بولعان.
وقيعا ورنىنا تجم كٷشتەرٸ مەن قۇرالدارى دەرەۋ جٸبەرٸلدٸ. قۇتقارۋ جۇمىستارىنا تجم-نٸڭ "قازاۆياقۇتقارۋ" اق تٸكۇشاعى دا جۇمىلدىرىلدى. تٸكۇشاقتىڭ كٶمەگٸمەن جەتۋٸ قيىن تاۋلى ايماقتان 1993 جىلى تۋعان ەر ادام ەۆاكۋاتسييالاندى. ونى قاۋٸپسٸز جەرگە جەتكٸزگەننەن كەيٸن جەدەل جەردەم بريگاداسىنىڭ دەرٸگەرلەرٸ قاراپ, مەديتسينالىق كٶمەك كٶرسەتتٸ.
سونداي-اق, تاۋدان 1978 جىلى تۋعان ەر ادامنىڭ دەنەسٸ تٷسٸرٸلدٸ. الدىن الا مەلٸمەت بويىنشا, ول دەنساۋلىعى كٷرت ناشارلاۋى سالدارىنان قايتىس بولعان.
