تٷركٸستان وبلىسى تٶلە بي اۋدانىنىڭ بالدىبەرەك اۋىلىندا سالىنىپ جاتقان قۇنى 3 ملرد تەڭگە بولاتىن شاعىن گيدروەلەكتروستانتسييا (گەس) تٶڭٸرەگٸندە داۋ تۋىندادى. جوبانىڭ جٷزەگە اسىرىلۋىنا بايلانىستى قوعام بەلسەندٸسٸ, جۋرناليست ايدوس يگٸلٸكوۆ ەلەۋمەتتٸك جەلٸدە بەينەجازبا جارييالاپ, ينۆەستوردىڭ ەكٸمشٸلٸك جەنە قۇقىقتىق كەدەرگٸلەرگە تاپ بولعانىن مەلٸمدەدٸ, دەپ حابارلايدى dalanews.kz.
بەلسەندٸنٸڭ ايتۋىنشا, جوبا بٷگٸندە شامامەن 90 پايىز اياقتالعان. گەس پايدالانۋعا بەرٸلگەن جاعدايدا 20-عا جۋىق جەرگٸلٸكتٸ تۇرعىن تۇراقتى جۇمىسپەن قامتىلىپ, ٶڭٸردەگٸ ەلەكتر ەنەرگيياسى تاپشىلىعىن ازايتۋعا ٷلەس قوسادى.
ونىڭ مەلٸمەتٸنشە, بۇل جوبا ۇلتتىق تسيفرلىق ينۆەستيتسييالىق پلاتفورماعا ەنگٸزٸلگەن. قۇرىلىسقا قاجەتتٸ رۇقسات قۇجاتتارى 2022 جىلدان باستاپ رەسٸمدەلٸپ, بٸرنەشە جىلدان بەرٸ ينۆەستوردىڭ قارجىسىنا جٷزەگە اسىرىلىپ كەلەدٸ.
قۇبىردى ٶتكٸزۋگە اۋدان ەكٸمٸنٸڭ قاۋلىسى بار
بەينەجازبادا قۇرىلىس جۇمىستارى جٷرٸپ جاتقان اۋماقتا بٸرنەشە ادامنىڭ اراسىندا پٸكٸرتالاس بولعانى كٶرٸنەدٸ. وندا جوبا ٶكٸلدەرٸنٸڭ بٸرٸ گيدروقۇبىردى اتالعان اۋماق ارقىلى ٶتكٸزۋ زاڭدى نەگٸزدە جٷزەگە اسىرىلىپ جاتقانىن ايتتى.
ونىڭ سٶزٸنشە, قۇبىردى ٶتكٸزۋگە بايلانىستى اۋدان ەكٸمٸنٸڭ ارنايى قاۋلىسى قابىلدانعان.
“دەل وسى قۇبىردى ٶتكٸزۋگە بايلانىستى اۋدان ەكٸمٸنٸڭ ارنايى قاۋلىسى بار. بٸز جەرگٸلٸكتٸ اتقارۋشى ورگاننىڭ نورماتيۆتٸك-قۇقىقتىق اكتٸسٸن ورىنداپ جاتىرمىز. قوعامدىق تەرتٸپتٸ قامتاماسىز ەتۋ ٷشٸن پوليتسييادان كٶمەك سۇراپ وتىرمىز”, – دەيدٸ ول.
ال قارسى تاراپ مۇنداي ەرەكەتپەن كەلٸسپەيتٸنٸن ايتىپ, جەردٸ مەجبٷرلەپ پايدالانۋعا قارسى ەكەنٸن جەتكٸزدٸ.
“زورلىقپەن تارتىپ الۋ جاقسىلىققا اپارمايدى. سوعان الاڭداپ وتىرمىن”, – دەدٸ تۇرعىنداردىڭ بٸرٸ.
اۋىل اقساقالدارى گەس قۇرىلىسىن قولدايدى
بەينەجازبا اۆتورىنىڭ ايتۋىنشا, بٸرنەشە اي بۇرىن قۇرىلىس اۋماعىندا بەتون قورشاۋلار بولعان. كەيٸن ولار الىنىپ, ورنىنا گيدروەلەكتروستانتسييانىڭ قۇبىرلارىن ورناتۋعا ارنالعان ارنايى كونتەينەرلەر قويىلعان.
ايدوس يگٸلٸكوۆتىڭ سٶزٸنشە, قازٸرگٸ ۋاقىتتا گيدروقۇبىردى تارتۋ جۇمىستارى جٷرگٸزٸلٸپ جاتقانىمەن, جايىلىم جەردٸ پايدالانۋشىلار قۇرىلىسقا كەدەرگٸ كەلتٸرٸپ وتىر.
سونىمەن قاتار بەينەجازبادا اۋىل اقساقالدارىنىڭ پٸكٸرلەرٸ دە كەلتٸرٸلگەن. ولار جوبانى قولدايتىندارىن ايتىپ, ەلەكتر ستانتسيياسىنىڭ ٸسكە قوسىلۋى اۋىل مەن مەملەكەت ٷشٸن تيٸمدٸ بولاتىنىن جەتكٸزگەن.
“ەلەكتر ستانتسيياسى قاجەت. ول ەلەكتر ەنەرگيياسىن ٶندٸرەدٸ, مەملەكەت بيۋدجەتٸنە قارجى تٷسٸرەدٸ. بۇل جوباعا ينۆەستورلار تارتىلعان”, – دەيدٸ اۋىل تۇرعىندارىنىڭ بٸرٸ.
تاعى بٸر تۇرعىن جەر مەسەلەسٸنە قاتىستى بارلىق اقپارات اشىق جارييالانۋى كەرەگٸن ايتتى.
“جەر كٸمنەن الىندى, كٸمگە بەرٸلدٸ – سونى اشىق ايتسىن. بٸز زاڭ ٷستەمدٸك ەتەتٸن ەدٸلەتتٸ مەملەكەتتە ٶمٸر سٷرٸپ جاتىرمىز”, – دەدٸ ول.
ينۆەستور قانداي مەسەلەلەردٸ كٶتەردٸ?
ايدوس يگٸلٸكوۆ جارييالاعان مەلٸمەتكە سەيكەس, ينۆەستور جوبا اياقتالۋعا جاقىنداعان سايىن تٷرلٸ ەكٸمشٸلٸك جەنە قۇقىقتىق كەدەرگٸلەر كٶبەيگەنٸن العا تارتادى.
بەلسەندٸنٸڭ سٶزٸنشە, بۇل – ۇلتتىق تسيفرلىق ينۆەستيتسييالىق پلاتفورمادا تٸركەلگەن رەسمي ينۆەستيتسييالىق جوبا. قاجەتتٸ رۇقسات قۇجاتتارى 2022 جىلدان بەرٸ رەسٸمدەلٸپ, بٸرنەشە جىلدان بەرٸ قۇرىلىس جۇمىستارى جٷرگٸزٸلٸپ كەلەدٸ.
الايدا ينۆەستوردىڭ ايتۋىنشا, جوبا اياقتالۋعا جاقىنداعان سايىن تٷرلٸ ەكٸمشٸلٸك جەنە قۇقىقتىق كەدەرگٸلەر كٶبەيگەن.
“سوت زاڭسىز دەپ تانىعان قورشاۋدىڭ كەسٸرٸنەن قۇرىلىس بٸرنەشە ايعا كەشٸكتٸ. سونىڭ سالدارىنان جوبانىڭ قۇنى دا ارتتى. كەيٸن دەل گيدروقۇبىر ٶتەتٸن اۋماققا باسقا قۇرىلىس جٷرگٸزۋگە كەلٸسٸم بەرٸلدٸ. سونىمەن قاتار ٶزەن ماڭىنداعى جەردٸڭ زاڭدىلىعىنا قاتىستى شاعىمدارىمىز تولىق ەرٸ وبەكتيۆتٸ قارالماي وتىر”, – دەپ مەلٸمدەگەن كومپانييا ٶكٸلدەرٸ.
ينۆەستور مۇنداي جاعدايلاردىڭ جوباعا ەلەۋلٸ قاۋٸپ تٶندٸرٸپ وتىرعانىن ايتادى.
“بۇل ەرەكەتتەردٸڭ بارلىعى جوبانىڭ جٷزەگە اسۋىنا كەدەرگٸ كەلتٸرٸپ وتىر. ەگەر مەسەلە شەشٸلمەسە, كەسٸپورىن قارجىلىق قيىندىققا ۇشىراۋى مٷمكٸن”, – دەيدٸ ينۆەستور.
قوعام بەلسەندٸسٸ ٶز جازباسىندا قازاقستاندا ينۆەستيتسييا تارتۋ مەملەكەتتٸك ساياساتتىڭ باسىم باعىتتارىنىڭ بٸرٸ ەكەنٸن اتاپ ٶتتٸ. ول وسى ورايدا مەملەكەت باسشىسى قاسىم-جومارت توقاەۆتىڭ ينۆەستورلاردى قولداۋ جٶنٸندەگٸ سٶزٸن دە كەلتٸردٸ.
“ٸرٸ ينۆەستورلارمەن قاتار ورتا جەنە شاعىن ينۆەستورلارمەن تىعىز بايلانىستا جۇمىس ٸستەۋ كەرەك”, – دەگەن پرەزيدەنتتٸڭ سٶزٸن ەسكە سالعان ايدوس يگٸلٸكوۆ مۇنداي جوبالارعا كەدەرگٸ كەلتٸرۋ ەلدەگٸ ينۆەستيتسييالىق احۋالعا كەرٸ ەسەر ەتۋٸ مٷمكٸن ەكەنٸن جەتكٸزدٸ.
