قازاقستاندا ٶڭٸرلەردەن ٸرٸ قالالارعا كٶشۋ ٷردٸسٸ كٷشەيٸپ كەلەدٸ. بۇعان دەيٸن حالقى ەڭ جىلدام ٶسٸپ جاتقان ايماقتاردىڭ بٸرٸ سانالعان تٷركٸستان وبلىسى بيىل العاش رەت كٶشٸ-قون ەسەبٸنەن تۇرعىندار سانىن جوعالتتى, دەپ حابارلايدى dalanews.kz.
Finprom.kz دەرەگٸنشە, جىل باسىنان بەرٸ تٷركٸستان وبلىسىنىڭ حالقى 2 388 ادامعا ازايعان. بۇل تۋۋ كٶرسەتكٸشٸنٸڭ تٶمەندەۋٸنەن ەمەس, تۇرعىنداردىڭ باسقا ٶڭٸرلەرگە قونىس اۋدارۋىنان بولىپ وتىر. ٶيتكەنٸ تٷركٸستان وبلىسى تابيعي ٶسٸم دەڭگەيٸ بويىنشا ەلٸ دە ەلدەگٸ الدىڭعى قاتارلى ٶڭٸرلەردٸڭ بٸرٸ سانالادى.
الايدا تٶرت ايدىڭ ٸشٸندە 13 مىڭنان استام تۇرعىن وبلىستان باسقا ٶڭٸرلەرگە قونىس اۋدارعان.
وسىعان ۇقساس جاعداي شىعىس قازاقستان, پاۆلودار, قوستاناي, سولتٷستٸك قازاقستان, قاراعاندى, جەتٸسۋ جەنە ۇلىتاۋ وبلىستارىندا دا بايقالعان.
سونىمەن قاتار قازاقستاندىقتاردىڭ باسىم بٶلٸگٸ ٸرٸ قالالارعا قونىس اۋدارۋدى جٶن كٶرەدٸ. وسى تۇرعىدا استانا كٶش باسىندا تۇر. جىلدىڭ العاشقى تٶرت ايىندا ەلوردا حالقى شامامەن 30 مىڭ ادامعا كٶبەيگەن. الماتى مەن شىمكەنت تە حالىق كٶپ قونىستانىپ جاتقان قالالاردىڭ قاتارىندا.
