Qazaqstanda óńirlerden iri qalalarǵa kóshý úrdisi kúsheiip keledi. Buǵan deiin halqy eń jyldam ósip jatqan aimaqtardyń biri sanalǵan Túrkistan oblysy biyl alǵash ret kóshi-qon esebinen turǵyndar sanyn joǵaltty, dep habarlaidy dalanews.kz.
Finprom.kz dereginshe, jyl basynan beri Túrkistan oblysynyń halqy 2 388 adamǵa azaiǵan. Bul týý kórsetkishiniń tómendeýinen emes, turǵyndardyń basqa óńirlerge qonys aýdarýynan bolyp otyr. Óitkeni Túrkistan oblysy tabiǵi ósim deńgeii boiynsha áli de eldegi aldyńǵy qatarly óńirlerdiń biri sanalady.
Alaida tórt aidyń ishinde 13 myńnan astam turǵyn oblystan basqa óńirlerge qonys aýdarǵan.
Osyǵan uqsas jaǵdai Shyǵys Qazaqstan, Pavlodar, Qostanai, Soltústik Qazaqstan, Qaraǵandy, Jetisý jáne Ulytaý oblystarynda da baiqalǵan.
Sonymen qatar qazaqstandyqtardyń basym bóligi iri qalalarǵa qonys aýdarýdy jón kóredi. Osy turǵyda Astana kósh basynda tur. Jyldyń alǵashqy tórt aiynda elorda halqy shamamen 30 myń adamǵa kóbeigen. Almaty men Shymkent te halyq kóp qonystanyp jatqan qalalardyń qatarynda.
