بۇل رەتتە، 2018 جىلى 11 ايعا دەپارتامەنتپەن بەكىتىلگەن جوسپار 14 ملرد. 301 ملن. تەڭگە بولسا، ناقتى ءتۇسىم 14 ملرد. 451 ملن. تەڭگەنى قۇراعان. ياعني، جوسپار 101% ورىندالدى دەپ نىق سەنىممەن ايتۋعا بولادى.
دەپارتامەنتتىڭ قىزمەت ەتۋ ايماعىندا ەۋرازيالىق ەكونوميكالىق وداقتىق كەدەن شەكاراسى ارقىلى وتكىزىلگەن تاۋارلار مەن تۇلعالارعا قاتىستى 514 اكىمشىلىك ءىس قوزعالعان.
ودان باسقا، 33 فاكتىبويىنشا قىلمىستىق ءىس قوزعالدى. ونىڭ ىشىندە، 31 فاكتى بويىنشا ەسىرتكى زاتتاردى (گاشيش، كاننابيس، ماريحۋاننا) تاسىمالداۋعا قاتىستى، 1 فاكتى مەديسينالىق پرەپاراتتار بويىنشا جانە 1 فاكتى بويىنشا ەكونوميكالىق كونترابانداعا قاتىستى قىلمىستىق ىستەر قوزعالعان.
ايتا كەتەتىن جاعداي، 2018 جىلدىڭ 21 قاراشاسىندا وزبەكستان رەسپۋبليكاسىنان قازاقستان رەسپۋبليكاسىنا باعىتتالعان تەمىرجول ۆاگونىنا قاتىستى ۋاكىلەتتى لاۋازىمدى تۇلعانىڭ كۇدىگى بويىنشا كەدەندىك جەتە تەكسەرۋ تاعايىندالىپ، ناتيجەسىندە كەدەندىك دەكلاراسيادا ۇسىنىلعان تاۋارلاردان باسقا ارتىق برۋتتو سالماعى 35 229 كەلى، كەدەندىك قۇنى 12 260 710 تەڭگە قۇرايتىن كەپتىرىلگەن ونىمدەر تاۋارى بويىنشا قۇقىق بۇزۋشىلىق انىقتالعان.
سونداي-اق، 2018 جىلدىڭ 11 جەلتوقسانىندا ياعني كەشە، وزبەكستان رەسپۋبليكاسىنان قازاقستان رەسپۋبليكاسىنا باعىتتالعان ەكى جۇك ۆاگونىنا قاتىستى تەكسەرۋ بارىسىندا دەكلاراسيالانباعان ياعني، 90 830 كەلى قۇرايتىن جەمىس داقىلدارى تاۋارىنا قۇقىق بۇزۋشىلىق انىقتالدى. الدىن الا ەسەپ بويىنشا تاۋاردىڭ قۇنى 27 032216،8 تەنگە قۇرادى.
قازىرگى تاڭدا، جوعارىدا اتالعان فاكتىلەر بويىنشا قازاقستان رەسپۋبليكاسىنىڭ زاڭنامالارىنا سايكەس جاۋاپكەرشىلىك شارالار قولدانۋ جۇمىستارى جۇرگىزىلۋدە.
