Túrkistan oblysynyń taýar ainalymy 75,5 mln. dollardy qurady
Bul rette, 2018 jyly 11 aiǵa departamentpen bekitilgen jospar 14 mlrd. 301 mln. teńge bolsa, naqty túsim 14 mlrd. 451 mln. teńgeni quraǵan. Iaǵni, jospar 101% oryndaldy dep nyq senimmen aitýǵa bolady.
Departamenttiń qyzmet etý aimaǵynda Eýraziialyq ekonomikalyq odaqtyq keden shekarasy arqyly ótkizilgen taýarlar men tulǵalarǵa qatysty 514 ákimshilik is qozǵalǵan.
Odan basqa, 33 faktiboiynsha qylmystyq is qozǵaldy. Onyń ishinde, 31 fakti boiynsha esirtki zattardy (gashish, kannabis, marihýanna) tasymaldaýǵa qatysty, 1 fakti meditsinalyq preparattar boiynsha jáne 1 fakti boiynsha ekonomikalyq kontrabandaǵa qatysty qylmystyq ister qozǵalǵan.
Aita ketetin jaǵdai, 2018 jyldyń 21 qarashasynda Ózbekstan Respýblikasynan Qazaqstan Respýblikasyna baǵyttalǵan temirjol vagonyna qatysty ýákiletti laýazymdy tulǵanyń kúdigi boiynsha kedendik jete tekserý taǵaiyndalyp, nátijesinde kedendik deklaratsiiada usynylǵan taýarlardan basqa artyq brýtto salmaǵy 35 229 keli, kedendik quny 12 260 710 teńge quraityn keptirilgen ónimder taýary boiynsha quqyq buzýshylyq anyqtalǵan.
Sondai-aq, 2018 jyldyń 11 jeltoqsanynda iaǵni keshe, Ózbekstan Respýblikasynan Qazaqstan Respýblikasyna baǵyttalǵan eki júk vagonyna qatysty tekserý barysynda deklaratsiialanbaǵan iaǵni, 90 830 keli quraityn jemis daqyldary taýaryna quqyq buzýshylyq anyqtaldy. Aldyn ala esep boiynsha taýardyń quny 27 032216,8 tenge qurady.
Qazirgi tańda, joǵaryda atalǵan faktiler boiynsha Qazaqstan Respýblikasynyń zańnamalaryna sáikes jaýapkershilik sharalar qoldaný jumystary júrgizilýde.
