تٷركٸستان وبلىسىندا ۇوس ارداگەرلەرٸ اەس قۇرىلىسى بويىنشا ٶتٸپ جاتقان رەفەرەندۋمعا قاتىسىپ, ٶز تاڭداۋلارىن جاسادى. مەسەلەن, ساۋران اۋدانى ەسكٸ يقان اۋىلىنىڭ تۇرعىنى 100 جاستاعى ارداگەر زاكٸر مۇساەۆ ٶز تاڭداۋىن جاساپ, ٶزگە اۋدان تۇرعىندارىن دا ناۋقانعا بەلسەنە قاتىسۋعا شاقىردى.
سونىمەن قاتار, سايرام اۋدانى, قارابۇلاق اۋىلدىق وكرۋگٸنٸڭ №580 داۋىس بەرۋ ۋچاسكەسٸنە 98 جاستاعى احمەدجان انارتاەۆ تا كەلٸپ, ەل كەلەشەگٸنە بەي-جاي قارامايتىندىعىن ايتىپ, داۋىس بەردٸ. ابىز اقساقالدارعا كوميسسييا مٷشەلەرٸ العىسىن ايتىپ, اق باتاسىن الدى.
ايتا كەتەيٸك, جالپى وبلىستا 200 مىڭعا جۋىق زەينەت جاسىنداعى قارت پەن ارداگەرلەر تۇرادى. ونىڭ 11-ٸ ۇلى وتان سوعىسىنىڭ ارداگەرلەرٸ بولسا, 3,2 مىڭنان استامى تىل ەڭبەككەرلەرٸ.
