بلوگەر جانەبٸلوۆتەردەن تەركٸلەنگەن 17 دانا iPhone 16 سمارتفونى ساتىلىمعا شىعارىلدى, دەپ حابارلايدى dalanews.kz.
ونلاين ساۋدا پلاتفورماسىنداعى مەلٸمەتكە سەيكەس بٸر لوتتىڭ باستاپقى باعاسى 484 990 تەڭگە دەپ بەلگٸلەنگەن. اۋكتسيونعا قاتىسۋ ٷشٸن 72 749 تەڭگە كٶلەمٸندە كەپٸلدٸك جارنا تٶلەۋ قاجەت.
ساۋدا-ساتتىق 8 شٸلدەدە ساعات 10:00-دە ٶتەدٸ.
ايتا كەتەيٸك, بۇعان دەيٸن جانەبٸلوۆتەردەن تەركٸلەنگەن سەگٸز كٶلٸك تە اۋكتسيون ارقىلى ساتىلىمعا شىعارىلعان بولاتىن.
ەسكە سالايىق, بلوگەرلەرگە "زاڭسىز كەسٸپكەرلٸك" جەنە "قىلمىستىق جولمەن الىنعان اقشانى زاڭداستىرۋ" باپتارى بويىنشا ايىپ تاعىلعان بولاتىن.
27 سەۋٸردە استانادا ٶتكەن سوتتا ەربولات جانەبٸلوۆ مٷلكٸ تەركٸلەنٸپ, 2 جىلعا شارتتى تٷردە باس بوستاندىعىنان ايىرىلعان ەدٸ.
ال ەلميرا تٶلەگەنوۆا مٷلكٸ تەركٸلەنٸپ, قاۋٸپسٸزدٸگٸ ەڭ تٶمەن مەكەمەدە 2 جىلعا باس بوستاندىعىنان ايىرىلدى. الايدا كٸشكەنتاي بالالارى بولۋىنا بايلانىستى جازانى ٶتەۋ مەرزٸمٸ 2 جىلعا شەگەرٸلدٸ.
